ЦВК Беларусі 3 верасня пачне разгляд скаргаў на адмову ў рэгiстрацыi кандыдатамi ў дэпутаты

Источник материала:

На першым пасяджэннi будуць абмяркоўвацца звароты прэтэндэнтаў на дэпутацкiя крэслы, якiя вылучалiся па ўсiх шасцi абласцях Беларусi, акрамя горада Мiнска. Заявы незарэгiстраваных кандыдатаў, якiя балацiруюцца па Мiнску, Цэнтрвыбаркам разгледзiць 4 верасня.

Паводле слоў Мiкалая Лазавiка, на гэты момант у Цэнтральную камiсiю паступiла 46 скаргаў на адмову ў рэгiстрацыi ў якасцi кандыдатаў у дэпутаты акруговымi выбаркамамi. Яшчэ некалькi такiх зваротаў можа прыйсцi па пошце пазней.

"Найбольш распаўсюджаныя прычыны адмовы ў рэгiстрацыi, якiя аспрэчваюцца заяўнiкамi, — гэта парушэнне парадку збору подпiсаў выбаршчыкаў у падтрымку вылучэнца, выяўленне ў падпiсных лiстах 15 працэнтаў несапраўдных подпiсаў ад колькасцi правераных", — адзначыў сакратар ЦВК. Акрамя таго, аспрэчваюцца такiя падставы, як факт адсутнасцi ў акрузе арганiзацыйных структур палiтычных партый, якiя вылучылi сваiх прэтэндэнтаў на дэпутацкi мандат, неправамоцнасць канферэнцый працоўных калектываў. "Некаторыя лiчаць, што неадзначаныя ў дэкларацыi аб даходах i маёмасцi транспартныя сродкi, зямельныя ўчасткi, грашовыя сродкi з’яўляюцца неiстотнымi недахопамi", — дадаў субяседнiк.

"Папярэдняе вывучэнне скаргаў сведчыць, што часам заяўнiкi маюць рацыю i памыляцца могуць не толькi вылучэнцы, але i акруговыя камiсii", — адзначыў сакратар Цэнтрвыбаркама. На яго думку, у некаторых прэтэндэнтаў ёсць шанцы быць зарэгiстраванымi, калi ЦВК палiчыць недастаткова важкiмi прычыны для атрыманых iмi адмоў. Такiм чынам, колькасць кандыдатаў у дэпутаты парламента можа павялiчыцца пасля разгляду атрыманых скаргаў.

Нагадаем, што з 365 жадаючых балатавацца ў Палату прадстаўнiкоў рэгiстрацыю ў якасцi кандыдатаў прайшлi 276 чалавек. У нiжняй палаце беларускага парламента налiчваецца 110 месцаў.