Беларусь — Кітай: трывалае партнёрства

Источник материала:

Генадзь Навiцкi падзякаваў У Хунбiню за плённае супрацоўнiцтва i выказаў надзею на далейшае дынамiчнае развiццё ўзаемаадносiнаў памiж краiнамi як на парламенцкiм, так i на вышэйшым узроўнях. Старшыня Савета Рэспублiкi нагадаў, што за апошнiя гады Прэзiдэнт Рэспублiкi Беларусь Аляксандр Лукашэнка ажыццявiў два вiзiты ў Пекiн, i падкрэслiў, што таваразварот памiж краiнамi павялiчыўся амаль у два разы.

Варта нагадаць, што Кiтайская Народная Рэспублiка — адзiн з важных знешнегандлёвых партнёраў Рэспублiкi Беларусь. Па вынiках мiнулага года гэта краiна заняла 5-е месца па аб’ёме таваразвароту, 7-е — па экспарце Беларусi i 3-е — па iмпарце сярод краiн далёкага замежжа. Беларусь экспартуе ў Кiтай калiйныя ўгнаеннi, кар’ерныя самазвалы i запчасткi да iх, электронныя iнтэгральныя схемы i мiкразборкi, металiчную, хiмiчную, станкабудаўнiчую i прыборабудаўнiчую прадукцыю. Асноўнымi групамi iмпарту з КНР з’яўляюцца абсталяванне, камплектуючыя вырабы i матэрыялы для беларускiх вытворчасцяў, арыентаваных на экспарт, спажывецкiя тавары. Шэраг беларускiх прадпрыемстваў мае сваiх прадстаўнiкоў i дылераў у Кiтаi: ЗАТ "Беларуская калiйная кампанiя", РУП "Мiнскi трактарны завод", ВРУП "Мiнскi завод калёсных цягачоў", ВА "Беларускi аўтамабiльны завод", НВА "Інтэграл", РУП "Беларускi маторны завод", ВА "Гомсельмаш", РУП "Авiякампанiя "Трансавiяэкспарт", ААТ "ААБ Беларусбанк" i Беларуская гандлёва-прамысловая палата.

У лiпенi гэтага года ў нашу краiну паступiў першы перавод часткi сродкаў, выдаткаваных кiтайскiм бокам на будаўнiцтва Гомельскага кардыялагiчнага цэнтра.