Калі дом не помнiк

Источник материала:

Мы рашылi купiць сабе кватэру — далi аб’яву, разгледзелi ўжо з дзесятак прапаноў i пераканалiся, што рамонтных работ з нейкiм пераабсталяваннем пазбегнуць не ўдасца. Напiшыце, што цяпер можна рабiць самастойна, без дазволу выканкама, а што — трэба ўзгадняць?

Б. Г., <І>Брэст .

устаноўка (замена) мiжпакаёвых дзвярэй у межах iснуючага дзвярнога праёму;

прыладжванне падвясных (нацяжных) столяў;

прыладжванне i дэмантаж стацыянарных шафаў i антрэсоляў;

устаноўка вентыляцыйных прыбораў;

замена электратэхнiчных вырабаў (разеткi, выключальнiкi, свяцiльнi) i падлогавых пакрыццяў на тыя, якiя маюць аналагiчныя тэхнiчныя характарыстыкi;

замена электрычных плiт i санiтарна-тэхнiчнага абсталявання.

Па ўзгадненнi з арганiзацыяй, якая ажыццяўляе эксплуатацыю жыллёвага фонду, арганiзацыяй грамадзян-забудоўшчыкаў, спецыялiзаванымi арганiзацыямi (органамi), якiя абслугоўваюць жылы дом, могуць ажыццяўляцца наступныя рамонтна-будаўнiчыя работы:

устаноўка iндывiдуальных прыбораў улiку вады (узгадненне з арганiзацыяй, якая ажыццяўляе эксплуатацыю жыллёвага фонду, арганiзацыяй грамадзян-забудоўшчыкаў);

замена аконных i балконных запаўненняў фасадаў жылых дамоў, а таксама ўпарадкаванне памяшканняў, якiя не ацяпляюцца, за кошт шклення балконаў i лоджыяў (узгадненне з мясцовым тэрытарыяльным органам архiтэктуры i горадабудаўнiцтва);

устаноўка ўзмоцненых i дадатковых уваходных дзвярэй у памяшканне (узгадненне з арганiзацыяй, якая ажыццяўляе эксплуатацыю жыллёвага фонду, арганiзацыяй грамадзян-забудоўшчыкаў);

замена газавых плiт, устаноўка iндывiдуальнага прыбора ўлiку газу (узгадненне з абслуговай арганiзацыяй газавай гаспадаркi).

Для ажыццяўлення ўказаных работ таксама не патрэбны дазвол мясцовага выканаўчага i распарадчага органа, распрацоўка праекта i яго дзяржаўная экспертыза.

Адзiнае — замена аконных i балконных запаўненняў, а таксама ўпарадкаванне памяшканняў, якiя не ацяпляюцца, за кошт шклення балконаў i лоджыяў у жылых дамах, унесеных у Дзяржаўны спiс гiсторыка-культурных каштоўнасцяў Рэспублiкi Беларусь, ажыццяўляюцца па ўзгадненнi з тэрытарыяльным органам архiтэктуры i горадабудаўнiцтва i Мiнiстэрствам культуры ва ўстаноўленым заканадаўствам парадку.