Холад і на наступным тыднi

Источник материала:

У пятнiцу i выхадныя Беларусь будзе знаходзiцца пад уплывам халоднага арктычнага паветра, паведамiлi рэдакцыi спецыялiсты службы гiдраметэапрагнозаў Рэспублiканскага гiдраметцэнтра.

Будзе даволi воблачна, месцамi пройдуць дажджы. Сапраўды моцныя дажджы чакаюцца ў суботу. Тэмпература паветра ў суботу i нядзелю ўначы 1—7 цяпла, месцамi на глебе замаразкi ад 0 да мiнус 2 градусаў, удзень толькi 5—12 градусаў. Згодна з папярэднiмi прагнозамi, даволi халоднае i воблачнае надвор’е захаваецца ў краiне i ў першай палове наступнага тыдня. Чакаецца, што тэмпература паветра ўначы будзе ў межах 3—8 градусаў, месцамi невялiкiя замаразкi, удзень — 7—13 цяпла. Сiноптыкi разлiчваюць, што iстотна пацяплее толькi блiжэй да наступных выхадных.

Паводле звестак упраўлення iнфармацыi i грамадскiх сувязяў МУС, 22-гадовы прайдзiсвет патэлефанаваў 32-гадовай жанчыне i паведамiў, што павiнен за грошы з ёй расправiцца. Аднак прапанаваў перакупiць "заказ" сваёй патэнцыйнай ахвяры: маўляў, за вышэйзгаданую суму гатовы перагледзець "кантракт" не на карысць яе ворага. Махляра затрымалi пасля таго, як ён атрымаў ад жанчыны на вулiцы Працоўнай частку "адкупных" — 10 тысяч долараў ЗША.

Паводле звестак аддзялення iнфармацыi i грамадскiх сувязяў ГУУС Мiнгарвыканкама, "дабрадзей", сiгнал ад якога паступiў з таксафона, размешчанага па праспекце Незалежнасцi, папярэдзiў праваахоўнiкаў пра тое, што сталiчныя гiмназii №№ 6, 7 i 8 замiнiраваныя. Супрацоўнiкi Савецкага i Партызанскага РУУС, групы размiнiравання спецпадраздзялення па барацьбе з тэрарызмам "Алмаз" i адной з вайсковых часцей, што працавалi на месцы здарэння, нi ў адной з устаноў "бомбаў" не знайшлi. Што ж датычыцца "жартаўнiка", то яго цяпер спрабуюць адшукаць, а па факце ўзбуджана крымiнальная справа.

У аўто вiноўнiка ДТЗ знаходзiлася сям’я: бацька, мацi i трое дзяцей. У вынiку аварыi жанчына з цяжкiмi траўмамi трапiла ў бальнiцу. Малодшы сын, якому споўнiлася толькi два месяцы, загiнуў на месцы. Двое старэйшых дзяцей знаходзяцца на абследаваннi ў абласной дзiцячай бальнiцы.

У Польшчы ў горадзе Крынiца адкрыўся ХVIII Эканамiчны форум. У iм удзельнiчае беларуская дэлегацыя на чале з намеснiкам прэм’ер-мiнiстра Андрэем Кабяковым.

У час работы форуму ён выступiў з дакладам на пленарнай сесii па актуальнай i iнтрыгуючай тэме" Еўрапейскiя дылемы. Цэнтральная Еўропа: партнёр цi статыст?" Кiраўнiк беларускай дэлегацыi ў рамках форуму сустрэўся з вiцэ-прэм’ерам, мiнiстрам эканомiкi Польшчы Вальдэмарам Паўляком. Былi абмеркаваны шляхi пашырэння гандлёва-эканамiчнага супрацоўнiцтва. А яно апошнiм часам набыло станоўчую дынамiку. За 7 месяцаў 2008 года гандлёвы абарот вырас на 70 працэнтаў i дасягнуў 1773,6 млн долараў ЗША. Пры гэтым беларускi экспарт вырас на 88,4 працэнта (да 1147,3 млн долараў, а польскi — на 44,2 працэнта (626,2 млн долараў).

Як паведамiла прэс-служба беларускага пасольства ў Варшаве, таксама адбылася кароткая гутарка Андрэя Кабякова з прэм’ер—мiнiстрам Польшчы Дональдам Тускам. Яны абмянялiся думкамi наконт цяперашняга стану двухбаковых гандлёва-эканамiчных адносiнаў.

Храм пабудавалi ў другой палове ХIХ стагоддзя i асвяцiлi ў гонар Аляксандра Неўскага. Cёння ранiцай сюды iмкнуцца праваслаўныя вернiкi на святочнае богаслужэнне, якое вядзе епiскап Магiлёўскi i Мсцiслаўскi Сафронiй.

— У нашым храме знаходзiцца абраз Аляксандра Неўскага — паведамiў дабрачынны Мсцiслаўскай акругi протаiерэй Аляксандр Ганчарук. — У ім ёсць частка мошчаў вялiкага палкаводца. Некалькi гадоў таму я прывёз з Санкт-Пецярбурга, з Аляксандра-Неўскай лаўры, дзе пакоiцца святы князь.

У вёсцы Мiкалаеўшчына Стаўбцоўскага раёна на прыватным падворку непрацуючага грамадзянiна ў хляве былi знойдзены рогi i мяса лася. А на агародзе былi закапаныя яшчэ 17 шкур дзiка i па шкуры лася i казулi. Гаспадар прызнаўся, што ўдзельнiчаў у незаконных паляваннях. У яго былi канфiскаваны паляўнiчыя ружжы "Алень" з аптычным прыцэлам i ТОЗ-63, а таксама дзяржпасведчанне на права палявання. Падчас разбору таксама быў устаноўлены ўдзел у незаконных паляваннях яшчэ аднаго грамадзянiна. У апошняга таксама канфiскаваны два паляўнiчыя ружжы i дзяржпасведчанне...