Трэцяя перамога ў кваліфiкацыi еўрафоруму

Источник материала:

Чарговую перамогу ў адборачным турнiры чэмпiянату Еўропы-2009 у дывiзiёне "В" атрымала мужчынская зборная Беларусi па баскетболе. На гэты раз у Магiлёве яна адолела каманду Албанii — 92:46. Нагадаем, раней падапечныя Аляксандра Папкова на выездзе ўзялi верх над камандай Швейцарыi (81:77) i дома перагулялi румынскую дружыну (70:59). Наступны паядынак беларусы правядуць у суботу, 20 верасня. У гасцявым супрацьстаяннi яны праэкзаменуюць кiпрыётаў. Права працягнуць барацьбу за выхад у наймацнейшы дывiзiён атрымаюць пераможцы квiнтэтаў, а таксама адна зборная, якая будзе мець найлепшыя паказчыкi сярод тых, хто заняў другiя месцы. Восенню наступнага года гэта чацвёрка разыграе два пропускi ў вышэйшы свет.

Матчамi ў групах E, F, G i H 17 верасня завяршыўся першы тур групавога этапа футбольнай Лiгi чэмпiёнаў. Вось вынiкi матчаў: група Е — "Манчэстар Юнайтэд" (Англiя) — "Вiльярэал" (Іспанiя) — 0:0, "Селтык" (Шанлатдыя) — "Ольбарг" (Данiя) — 0:0; група F — "Сцяўа" (Румынiя) — "Баварыя" (Германiя) — 0:1, "Лiён" (Францыя) — "Фiярэнцiна" (Iталiя) — 2:2; група G — "Порту" (Партугалiя) — "Фенербахчэ" (Турцыя) — 3:1, "Дынама" (Украiна) — "Арсенал" (Англiя) — 1:1; група H — "Ювентус" (Iталiя) — "Зенiт" (Расiя) — 1:0, "Рэал" (Iспанiя) — БАТЭ (Беларусь) — 2:0. Другi тур пройдзе 30 верасня — 1 кастрычнiка.

Першую перамогу ў родных сценах атрымалi хакеiсты мiнскага "Дынама" ў межах КХЛ. Пазаўчора у сталiчным Палацы спорту падапечныя Джыма Х’юза па булiтах аказалiся мацнейшымi за падмаскоўнае МУС — 3:2. Галоўны трэнер мiнскага "Дынама" выказаў незадаволенасць рэакцыяй балельшчыкаў i прэсы на няўдачы каманды ў КХЛ. "У нас не самая тэхнiчная каманда, але яна працуе з вялiкiм стараннем, — падкрэслiў Дж.Х’юз на прэс-канферэнцыi пасля матча з падмаскоўным МУД. — Я задаволены беларускiм хакеем. Але я расчараваны, што балельшчыкi незадаволеныя. Трэба падтрымлiваць каманду i ў складаных сiтуацыях. Нельга рабiць паспешлiвыя высновы. Нашы гульцы ўпершыню прадстаўленыя ў КХЛ. Маскоўскi "Спартак" iснуе 60 гадоў, а мы — 60 дзён".

Цяпер беларускi клуб чакае выязное турнэ. 22 верасня "бела-блакiтныя" паспрачаюцца з маскоўскiм "Спартаком", 24-га — памераюцца сiламi з "Вiцязем" з Чэхава, яшчэ праз два днi пазмагаюцца з маскоўскiм ЦСКА, а завершаць ваяж 28-га верасня сустрэчай з чарапавецкай "Поўначсталлю".

Бiлеты на матч групавой стадыi Лiгi чэмпiёнаў памiж барысаўскiм БАТЭ i турынскiм "Ювентусам" паступiлi ў продаж 16 верасня. А наступны дзень яны скончылiся. I ў касах мiнскага стадыёна "Дынама", на якiм 30 верасня i пройдзе матч, i ў касах гарадской арэны Барысава. Квiткi па 5 тысяч рублёў у сектары за варотамi размялi ўмомант. Многiя бралi не па адным дзясятку — для шматлiкiх сяброў цi для перапродажу. Бiлеты ў цэнтральныя сектары ў касы не паступалi — iх рэалiзуюць па безнаяўным разлiку па калектыўных заяўках. Выпадкi, калi продаж прапускоў па такiх схемах заканчваўся пустэчамi на трыбунах пры дзiкiх чэргах каля кас, на жаль, не адзiнкавыя.

У Мiнскай гарадской ратушы адбылася жараб’ёўка матча Кубка Дэвiса памiж камандамi Беларусi i Грузii, якi пройдзе 19—21 верасня ў мiнскiм Палацы тэнiсу. Матч пачнецца з сустрэчы першай ракеткi беларускай каманды Уладзiмiра Iгнацiка i другога нумара грузiнскай зборнай Лада Чыхладзэ. Затым на корт выйдуць другi нумар беларускай каманды Андрэй Каратчэня i першы нумар грузiнскай зборнай Iраклiй Лабадзэ. У другi дзень, 20 верасня, адбудзецца парны паядынак, дзе дуэт Максiма Мiрнага i Уладзiмiра Iгнацiка пазмагаецца з грузiнскай парай Iраклiй Лабадзэ/Лада Чыхладзэ. У нядзелю сустрэнуцца першыя нумары абедзвюх камандаў, а потым другiя. Пачатак усiх дзён спаборнiцтваў запланаваны на 10 гадзiн.