Паважаныя працаўнікi машынабудаўнiчай галiны Рэспублiкi Беларусь!

Источник материала:

Дазвольце ад iмя Урада Рэспублiкi Беларусь павiншаваць вас з прафесiйным святам — Днём машынабудаўнiкоў.

Беларускае машынабудаванне з’яўляецца вядучай галiной эканомiкi нашай краiны, адной з галоўных крынiц яе нацыянальнага даходу. На прадпрыемствах машынабудаўнiчага комплексу вырабляецца значная частка валавога ўнутранага прадукту, забяспечваецца рост нацыянальнага дабрабыту. Тут працуюць высокаквалiфiкаваныя спецыялiсты, засяроджаны значны iнтэлектуальны патэнцыял рэспублiкi.

Машынабудаванне — лiдар нацыянальнай эканомiкi па многiх пазiцыях. Яго адрознiвае высокая доля новай i навукаёмiстай прадукцыi. Першарадная ўвага на прадпрыемствах галiны надаецца iх тэхнiчнаму пераўзбраенню, укараненню энерга- i рэсурсазберагальных тэхналогiй, павышэнню якасцi i канкурэнтаздольнасцi выпускаемай прадукцыi.

Далёка за межамi рэспублiкi вядомыя маркi МАЗа, БелАЗа, Атланта, БелАМА, Гомсельмаша, Мiнскага трактарнага i маторнага заводаў, Магiлёўскага завода лiфтавага машынабудавання, Мiнскага электратэхнiчнага завода iмя В.I. Казлова, Барысаўскага завода "Аўтагiдраўзмацняльнiк", БАТЭ i iншых арганiзацый галiны. У многiх краiнах надзейна працуюць беларускiя аўтамабiлi, трактары, станкi i iншая тэхнiка. Прадукцыя буйнейшых машынабудаўнiчых прадпрыемстваў рэспублiкi па праву стала вiзiтнай карткай нашай краiны.

Такi давер да нашай прадукцыi забяспечаны добрасумленнай працай беларускiх машынабудаўнiкоў.

Упэўнены, што працаўнiкi машынабудаўнiчага комплексу рэспублiкi захаваюць за сабой лiдзiруючую ролю, годна справяцца з даведзенымi паказчыкамi сацыяльна-эканамiчнага развiцця.

Вiншуючы ўсiх машынабудаўнiкоў рэспублiкi, ветэранаў галiны з прафесiйным святам, жадаю Вам i вашым сем’ям моцнага здароўя, шчасця, дабрабыту, новых працоўных поспехаў.