Пракуратура "адшукала" 100 пустых кватэр

Источник материала:

Генеральнай пракуратурай былi праведзены кантрольныя праверкi ў выканаўчых камiтэтах гарадоў наконт таго, як выконваюцца патрабаваннi жыллёвага заканадаўства, паведамiў журналiстам намеснiк начальнiка аддзела Генеральнай пракуратуры па наглядзе за захаваннем правоў i свабод грамадзян Павел Радзiвонаў.

У вынiку прынятых органамi пракуратуры мераў, ва ўсiх населеных пунктах мясцовымi выканаўчымi i распарадчымi органамi была праведзена суцэльная iнвентарызацыя пустых жылых памяшканняў дзяржаўнага жыллёвага фонду. Пасля праверак было выяўлена больш за 100 кватэр, якiя неабгрунтавана пуставалi даволi працяглы час (год i болей) i не размяркоўвалiся. Толькi пасля ўмяшання пракуратуры пустое жыллё атрымала гаспадароў з улiку тых, хто меў на яго права.

Напрыклад, каля паўсотнi кватэр у горадзе Бабруйску ў адпаведнасцi з патрабаваннем пракурора былi выдзелены дзецям-сiротам i iнвалiдам. Менавiта гэта катэгорыя грамадзян даволi працяглы час не магла скарыстацца правам на атрыманне сацыяльнага жылля. Суразмоўца падкрэслiў, што гэтыя пустыя кватэры ўвесь час заставалiся на балансе гарадскiх службаў. З вiнаватых асобаў па гэтай справе будзе спагнана 26 мiльёнаў рублёў, якiя былi патрачаны на ўтрыманне неразмеркаваных кватэр.

Былi выяўлены сур’ёзныя парушэннi ў дзейнасцi Бабруйскага гарадскога выканаўчага камiтэта. Генеральнай пракуратурай у вераснi была ўзбуджана крымiнальная справа ў дачыненнi да аднаго з былых службовых асобаў Бабруйскага гарвыканкама, якому iнкрымiнуецца злоўжыванне ўладай i службовымi паўнамоцтвамi пры размеркаваннi кватэр i ўмяшанне ў дзейнасць жыллёва-будаўнiчага кааператыва. У адпаведнасцi з патрабаваннем пракуратуры асобным грамадзянам неабходна будзе пералiчыць стаўкi па крэдытах, якiя былi атрыманы для набыцця жылля ў iльготным рэжыме.

З сур’ёзнымi парушэннямi без правядзення аўкцыёну мясцовы чыноўнiк выдзелiў камерцыйнай арганiзацыi вялiкi зямельны ўчастак плошчай 1,5 гектара ў прэстыжным раёне Бабруйска для будаўнiцтва гандлёва-забаўляльнага цэнтра. Гэты лiквiдны ўчастак гарадской зямлi дастаўся камерцыйнай фiрме амаль бясплатна. Сёння, у адпаведнасцi з патрабаваннем пракуратуры, рашэнне аб выдзяленнi гэтага ўчастка адменена, а зямельны надзел цяпер выстаўлены на аўкцыён. Трэба заўважыць, што па iнфармацыi Паўла Радзiвонава, рынкавы кошт гэтай зямельнай нерухомасцi складае прыкладна мiльён долараў.

Спецыялiст пракуратуры паведамiў, што ў Бабруйску былi ўскрыты парушэннi па выкарыстанні камунальнай уласнасцi. Так адно мясцовае прадпрыемства, якое займаецца iгральным бiзнэсам iстотна занiжала плацяжы па арэнднай плаце ў гарадскi бюджэт. Сёння гэтыя парушэннi ўжо выпраўлены. У адносiнах да кiраўнiка гэтага казiно ўзбуджана крымiнальная справа за сакрыццё ад уплаты падаткаў.