У ТБМ кульгае дысцыпліна

Источник материала:

26 кастрычніка мае прайсці з’езд Таварыства беларускай мовы. Да гэтага мерапрыемства і свайго 20-гадовага юбілея, які будзе адзначацца ў наступным годзе, арганізацыя падыходзіць у цяжкой фінансавай сітуацыі ў выніку ўзняцца арэнднай платы ў дзесяць разоў. ТБМ нават папрасіла дапамогі ў прыязных да беларускай мовы.

У тым ліку з гэтай прычыны канкурэнцыі, па інфармацыі парталу “Мы”, на выбарах старшыні ТБМ не будзе. Ніхто не хоча. Няма асаблівага жадання, кажуць, і ў кіраўніка арганізацыі ад 1999 года Алега Трусава. Але, па ўсім, яму давядзецца ачольваць яе і далей. Між тым, песімісты ў шэрагах ТБМ гавораць, што не тое што неспрыянне, а абцяжарванне існавання Таварыства з боку дзяржавы можа прывесці праз колькі год нават да яго знікнення.

Адным з самых сур’ёзных пытанняў на з’ездзе будзе разбіральніцтва з дысцыплінай сяброў арганізацыі, якая намагаеца выконваць у тым ліку функцыі моўнай паліцыі, і з арганізацыяй збору ўнёскаў. Бо тысяча рублёў ад кожнага з 5 тысяч ТБМаўцаў - і праблемы з арэнднай платай няма.

Але ж калі б не было ў сваю чаргу праблемы фармальнага сяброўства ў арганізацыі, то не давялося б і звяртацца па дапамогу вонку. І наракаць на ігнараванне з боку бізнэсоўцаў, уладаў і апазіцыйных структур. Прычым неспрыяльнікаў беларускай мове, якія б, на думку кіраўніцтва ТБМ лёгка маглі б дапамагчы з грашыма, там называюць і персанальна. Маўляў, выбарцы маюць права ведаць і стаўленне тых альбо іншых палітыкаў да беларускай мовы.

З’езд ТБМ адбудзецца ў мінскім Палацы мастацтваў. “Дакладней, мяркуецца, што адбудзецца. Не выключана, што давядзецца збірацца і дзе-небудзь пад адкрытм небам”, - зазначае намеснік старшыні ТБМ Сяржук Кручкоў.

пїЅпїЅпїЅпїЅпїЅпїЅпїЅпїЅпїЅпїЅпїЅпїЅпїЅ: Все новости за день