Беларусь будзе рабiць усё, каб спынiць спробы развалiць сiстэму мiжнароднай бяспекi

Источник материала:

"Мы вымушаны ўмацоўваць Узброеныя Сiлы, i гэта, перш за ўсё, звязана з тым, што дзеяннi блока НАТА вымушаюць нас гэта рабiць", — адзначыў кiраўнiк дзяржавы.

Аляксандр Лукашэнка падкрэслiў, што, наведваючы В’етнам у красавiку гэтага года, ён быў уражаны вiдавочным прагрэсам у развiццi гэтай краiны з часу яго папярэдняга вiзiту. "Дружба нашых двух народаў заснавана на гiстарычным мiнулым, якое недалёка ад сучаснасцi, — лiчыць Прэзiдэнт. — У тыя часы мы былi разам, таму нядзiўна, што мы займаем адны i тыя ж пазiцыi па ключавых мiжнародных праблемах".

Беларусь i В’етнам выступаюць за фармiраванне справядлiвага светапарадку, за прызнанне разнастайнасцi шляхоў прагрэсiўнага развiцця дзяржаў i супраць прымянення сiлы ў вырашэннi спрэчных пытанняў. Краiны актыўна супрацоўнiчаюць у рамках Руху недалучэння. Паводле слоў Аляксандра Лукашэнкi, для Беларусi важна супрацоўнiцтва з В’етнамам у ваеннай i ваенна-тэхнiчнай сферы з улiкам вялiкага вопыту гэтай краiны ў названай галiне.

Прэзiдэнт падкрэслiў, што В’етнам адносiцца да лiку краiн, з якiмi ў Беларусi няма закрытых тэм.

Мiнiстр нацыянальнай абароны В’етнама ў сваю чаргу заявiў, што в’етнамскi народ высока цэнiць мужнасць беларускага народа, якi выстаяў у гады Вялiкай Айчыннай вайны. Ён таксама адзначыў "вельмi добрыя тэмпы развiцця эканомiкi" Беларусi.