Калі сам сабе дызайнер...

Источник материала:

Калі сам сабе дызайнер...

Старажытнакiтайскае выслоўе сцвярджае: "Калi хочаш перамянiць сваё жыццё, перастаў 27 прадметаў у сваiм доме". Сапраўды, калi мы перасоўваем мэблю або перавешваем карцiну, мы паляпшаем энергетыку дома i праз гэта самi насычаемся жыццядайнай працай.

Мне доўгi час не падабалася наша зала, што глядзiць вокнамi на поўнач. Было адчуванне няўтульнасцi, нейкай "правальнай" зоны. Пасля асвячэння кватэры бацюшкам усе пакоi дзiўным чынам выраўнялiся. Калi мы зрабiлi рамонт i памянялi колеравую гаму на больш цёплую, зала стала любiмым месцам адпачынку для ўсiх хатнiх.

Уважлiва, свежым паглядам агледзьце сваю кватэру. Адзiн пакой загрувашчаны мэбляй, секцыя запоўнена кнiгамi, крышталём, керамiкай, ракушкамi — чым заўгодна. Другi пуставаты: сцены голыя, не хапае пано, палiчак. Трэцi нiшто сабе, але паветра ў iм застаялася, на хатнiх кветках — пыл, ваза склеена (шкада было выкiдаць разбiтую). Самы час заняцца прыемнай працай па ўдасканаленнi свайго жылля. Фэн-шуй па сутнасцi — вiд дызайну, прычым кожны з нас "сам сабе дызайнер".

Для памяцi: не забудзьце пачаць з ачышчэння дома i лiквiдацыi завалаў у шафах, лоджыях, на антрэсолях i г.д.

не забудзьце пачаць з ачышчэння дома i лiквiдацыi завалаў у шафах, лоджыях, на антрэсолях i г.д.

Iснуюць прадметы, якiя не толькi цешаць вока прыгажосцю, але i "ўзмацняюць" куточкi дома. Гэта люстры i бра, карцiны з выявамi сонца i гор, каменныя, глiняныя, керамiчныя вырабы, дэкаратыўныя тканiны, падсвечнiкi, аромалямпы i многае iншае. Правiльна размешчаныя, зарыентаваныя на бакi свету, яны прыцягнуць у жыццё станоўчыя падзеi i сiтуацыi.

Паўночны сектар кватэры адказвае за кар’еру, сацыяльны статус i ўзровень даходаў. А паколькi поўначчу кiруе стыхiя вады, то найлепшыя энергетычныя ўзмацняльнiкi ў гэтым сектары — фантанчыкi або акварыумы. Самi па сабе акварыумы ўплыву не аказваюць; справа ў iх насельнiках — рыбках (пажадана мець няцотны лiк рыбак). Лiчыцца, што яны прыносяць у дом дастатак.

кватэры адказвае за кар’еру, сацыяльны статус i ўзровень даходаў. А паколькi поўначчу кiруе стыхiя вады, то найлепшыя энергетычныя ўзмацняльнiкi ў гэтым сектары — фантанчыкi або акварыумы. Самi па сабе акварыумы ўплыву не аказваюць; справа ў iх насельнiках — рыбках (пажадана мець няцотны лiк рыбак). Лiчыцца, што яны прыносяць у дом дастатак.

Для памяцi: i фантан, i акварыум можа замянiць звычайны ўвiльгатняльнiк паветра.

i фантан, i акварыум можа замянiць звычайны ўвiльгатняльнiк паветра.

Сiмвалам багацця з’яўляюцца таксама ракушкi. I лепш знойдзеныя, чым купленыя. Ачысцiць iх можна, патрымаўшы ў салёнай вадзе. Будуць на карысць выявы марскiх жывёл — чарапахi, кiта, дэльфiна.

Поспех i працвiтанне прынясе не толькi вада, але i яе выява: плынь ракi або цiхае возера. Не забудзьце пра званочкi з трубачкамi (iх яшчэ называюць музыкай ветру), iх звон павiнен вам падабацца. Лепш за ўсё, калi на званочак трапляе вецер з форткi.

Люстэркi, крышталёвыя i шкляныя вазы рассеюць негатыўную энергiю. (Прасачыце, каб люстэрка не вiсела насупраць дзвярэй!) Паўночна-ўсходнюю зону актывiзуюць камянi горнага крышталю або натуральнага кварца. Падарыце iх школьнiку або студэнту, каб яны ляжалi на рабочым стале.

Усходам, а значыць сектарам сям’i i здароўя, кiруе стыхiя дрэва, таму найлепшыя талiсманы тут — раслiны, жывыя кветкi i плады. Найбольш прыдатныя колеры — сiнi, блакiтны, зялёны, хатнiя кветкi павiнны быць дагледжанымi, пейзажы — летнiмi або вясновымi. Нададуць гармонiю ўсходняму сектару выявы жураўля, аленя, ката, сабакi.

а значыць сектарам сям’i i здароўя, кiруе стыхiя дрэва, таму найлепшыя талiсманы тут — раслiны, жывыя кветкi i плады. Найбольш прыдатныя колеры — сiнi, блакiтны, зялёны, хатнiя кветкi павiнны быць дагледжанымi, пейзажы — летнiмi або вясновымi. Нададуць гармонiю ўсходняму сектару выявы жураўля, аленя, ката, сабакi.

Пажадана павесiць у гэтай зоне сямейныя фотаздымкi, а вашы асабiстыя здымкi хай будуць з часоў маладосцi, калi вы шчаслiвыя i поўныя сiлаў. Наконт партрэтаў памерлых: не размяшчайце iх на вiдных месцах, асаблiва разам з жывой раднёй! Iх месца — у альбомах.

Лiчыцца важнай у доме i паўднёва-ўсходняя зона, што адказвае за багацце i працвiтанне. Маюцца на ўвазе не толькi грошы, а ўсё, што з’яўляецца для вас каштоўнасцю — любоў, сяброўства, здароўе. Любая раслiна з круглымi лiстамi ("грашовае дрэва", напрыклад) будзе тут дарэчы. А вось паўзучыя i калючыя раслiны ў пакоях гэтага напрамку непажаданыя.

Для памяцi: сэрца кватэры — электрычная або газавая плiта, яна павiнна быць дагледжанай, а ўсе канфоркi — спраўнымi.

сэрца кватэры — электрычная або газавая плiта, яна павiнна быць дагледжанай, а ўсе канфоркi — спраўнымi.

Кiрунак славы i рэпутацыi — поўдзень. Энергii поўдня ўплываюць на вашу самаацэнку i ўпэўненасць, вось чаму важна iх актывiзаваць. Гэта асаблiва неабходна, калi вы збiраецеся стаць кiраўнiком, павялiчыць свой уплыў у якой-небудзь сферы, хочаце развiць у сабе якасцi лiдара. А паколькi поўднем кiруе агонь, то пажадана размясцiць у паўднёвым пакоi свечкi, лампадкi, здымкi храмаў, вырабы з меху, шэрсцi, пер’я i да т.п. Найлепшыя талiсманы для гэтай зоны — выявы птушак: фенiкса, пеўня, паўлiна, арла. Разнастайныя свяцiльнiкi, крыштальныя пiрамiдкi, аромалямпы, сiмвалы вашага поспеху — прызы, граматы i ўзнагароды — усё гэта станоўча адаб’ецца на вашай кар’еры.

На паўднёвым захадзе да месца будуць парныя прадметы чырвонага колеру, розныя сэрцайкi (з любога матэрыялу), птушачкi, кветкi (лепш штучныя, чым сухiя) i г.д. А якi-небудзь папугайчык цi канарэйка ў гэтым кiрунку прыцягнуць любоў i ўдачу ў ваш дом.

Для памяцi: для тых, чые адносiны далi трэшчыну. Пастарайцеся, каб у спальнi было паболей тканiн i прадметаў жоўтага колеру. Спрыяюць сямейнаму шчасцю абразы Божай Мацi альбо Троiцы. Павесьце сумесны здымак, на якiм вы радасныя.

для тых, чые адносiны далi трэшчыну. Пастарайцеся, каб у спальнi было паболей тканiн i прадметаў жоўтага колеру. Спрыяюць сямейнаму шчасцю абразы Божай Мацi альбо Троiцы. Павесьце сумесны здымак, на якiм вы радасныя.

I нарэшце мы звернемся да зоны дзяцей i творчасцi — заходняй зоны (асноўныя элементы — метал i зямля). Цёплыя адносiны, згоду ў сям’i сiмвалiзуе "круглы стол" на кухнi. Натуральна, падыдуць любыя металiчныя прадметы: манеты, механiчныя гадзiннiкi, падковы (канцамi ўгару), вырабы з каменю i самацветаў. Будуць да месца дзiцячыя малюнкi, а калi дзяцей яшчэ няма i вы пра iх марыце — устройце хатнi алтарык з абразамi (калi вы вернiк), альбо са здымкамi дзяцей, цацкамi, дзiцячымi кнiжкамi... Два-тры разы на тыдзень запальвайце на iм свечку i ўяўляйце, што ваша мара збылася.

"А куды павесiць наш беларускi "ўзмацняльнiк" — саламяны павук?" — спытаеце вы. У пакой, якi патрабуе ачышчэння.

У справе гарманiзацыi свайго жылля важна не перастарацца i не ператварыць кватэру ў музей усходнiх талiсманаў. Фантазiруйце, выдумляйце, камбiнiруйце, пастаўцеся творча да гэтай справы. Будзьце ўдзячнымi за ўсё, што ў вас ёсць,— i добрыя змены не прымусяць сябе чакаць.

Галiна Зiнкевiч

(Г. Каржанеўская)