...

Источник материала:

Экiпаж верталёта Мi-26 МЧС Беларусi, якi тушыў лясныя пажары ў Грэцыi, сёння вяртаецца дадому. 18 выратавальнiкаў прыбудуць у другой палове дня на аэрадром Лiпкi пад Мiнскам.

Штодзень па медыцынскую дапамогу ва ўстановы аховы здароўя Мiнска звяртаюцца 3,5 — 4 тыс. грамадзян, крыху больш за палову з iх — дзецi. Мiж тым дыягназ "грып" урачы нiкому з iх яшчэ не паставiлi. Паводле прагнозаў медыкаў, на працягу кастрычнiка ўзровень захворваемасцi будзе не больш 20 тыс. чалавек у тыдзень. Эпiдэмiчны ўздым па грыпу i ВРВІ чакаецца ў студзенi наступнага года. А пакуль урачы рэкамендуюць умацоўваць iмунiтэт.

Беларуская мiлiцыя выкарыстоўвае дэтэктар хлуснi для раскрыцця злачынстваў, паведамiў журналiстам галоўнага ўпраўлення крымiнальнага вышуку МУС Беларусi Валянцiн Мiхневiч. З дапамогай палiграфа, сказаў ён, раскрываюцца нават серыi забойстваў, напрыклад, як гэта было ў Гродзенскай вобласцi.

Лясная кунiца, што забралася ў буйны вылiчальны цэнтр Гановера, на некалькi гадзiн паралiзавала працу каля 150 банкаў Германii. У вынiку аварыi на працягу васьмi гадзiн не працавалi банкаматы па выдачы наяўных грошай на паўночным усходзе Германii, а таксама ў зямлi Саар. Немагчыма было таксама ажыццяўленне банкаўскiх аперацый у рэжыме он-лайн. Звярок выклiкаў кароткае замыканне, якое прывяло да спынення падачы электраэнергii на галоўны камп’ютар, якi кiруе банкаўскiмi аперацыямi. Ад удару токам загiнула i кунiца.

Пракуратутура Сормаўскага раёна ў Нiжнiм Ноўгарадзе накiравала ў суд крымiнальную справу мясцовага жыхара, якi ў парыве злосцi з’еў старонку са штампам аб рэгiстрацыi шлюбу з пашпарта сваёй былой жонкi, яму пагражае да аднаго года пазбаўлення волi. Старонку з пашпарта ён з’еў у прысутнасцi былой i цяперашняй (грамадзянскай) жонак. Пасля разводу былая жонка засталася жыць у доме, якi належыць мужу, дзе была прапiсаная. Супрацоўнiкам мiлiцыi, якiя прыбылi па выклiку на сямейны скандал, яна спрабавала паказаць свой пашпарт са штампам рэгiстрацыi, але муж вырваў яго i з’еў адпаведную старонку. Ён абвiнавачваецца па артыкулах аб пашкоджаннi афiцыйных дакументаў, пабоях, знявазе i пагрозе забойства.

Аўстралiйскi хлопчык скармiў кракадзiлу дарагiх рэптылiй з заапарка. Сямiгадовае дзiця пералезла ў заапарк праз трохметровы паркан. Камера вiдэаназiрання зафiксавала, як хлопчык на працягу паўгадзiны забiваў рэдкiх жывёлiн каменем i кiдаў 200-кiлаграмоваму кракадзiлу па мянушцы Тэры. Усяго загiнулi 12 яшчарак i чарапаха, кошт якiх $5,5 тыс. Па мясцовых законах хлопчык не можа несцi адказнасцi, паколькi яму няма 10 гадоў. Супрацоўнiкi заапарка маюць намер падаць у суд на яго бацькоў.