Cон

Источник материала:

Сон. У фальклоры ўсходнiх славян са сном звязана незлiчоная колькасць прыкмет, якiя iснуюць i па сёння. Цяжка патлумачыць прычыну такiх адносiнаў да сну. Вядома, што яшчэ грэкi бачылi ў сваiх снах шматлiкiя прадказаннi. Яны малiлiся Меркурыю, каб ён даслаў iм добрыя сны. Народныя знахары i лекары маглi "прымусiць" чалавека ўбачыць у сне тое, што ён жадае. Для гэтага iснавалi спецыяльныя рытуальныя дзеяннi i замовы.

l Паўсюдна лiчыцца, што не кожны сон спраўджваецца. Звычайна, прароцкiмi лiчылiся сны на аўторак, чацвер i пятнiцу.

l "Нядзельны" цi "святочны" сон можа спраўдзiцца да абеду наступнага дня.

l У той жа час, сон, якi вы саснiлi ранiцай цi ўдзень, таксама лiчыўся прарочым.

l Лiчылася, калi вы ўбачылi дрэнны сон, то яго трэба абавязкова каму-небудзь расказаць, i ён не спраўдзiцца. А яшчэ раiлi сказаць пра сябе: "У кагосьці сон збываецца, а мяне гэта не тычыцца. Гасподзь Бог са мной, а дрэнны сон далоў. Амінь".

l Але калi сон прадказваў нешта добрае, то расказваць яго нельга, iнакш ён не спраўдзiцца. Акрамя таго, трэба было абавязкова перахрысцiцца i сказаць: "Тое, што ў сне убачыла, тое ўсё сабе забрала".

Вось некаторыя тлумачэннi таго, што можна ўбачыць у сне:

l Плакаць — да радасцi;

l Вада чыстая — да радасцi, брудная — да слёз;

l Дробныя манеты — да плётак, непрыемнасцяў, пустых размоў;

l Калi ў сне ў вас выпадзе зуб — да смерцi далёкага сваяка; калi зуб выпадае з крывёй — да смерцi "кроўнага", блiзкага сваяка;

l Бачыць кроў — сустрэцца са сваякамi;

l Бачыць пахаванне, памерлага цi каго-небудзь хаваць у сне — да змены надвор’я;

l Бачыць дзiця: калi хлопчыка — да прыбытку, калi дзяўчынку — да страты;

l Убачыць сябе аголеным — да хваробы;

l Блiны i пiрагi — да доўгачаканай навiны, атрымання лiста i г.д.;

l Мядзведзь — да вяселля;

l Голуб — да пацалункаў з каханым;

l Рыбу — да цяжарнасцi;

l Калi вы ў сне палiце печ, падкiдаеце дровы — будзе бяда, непрыемнасць;

l Стрыгчы, губляць валасы — да страт, незапланаваных растрат;

l Калi вы ў сне лятаеце цi падаеце, гэта значыць, што чалавек яшчэ расце.