Мы вельмі пастараемся

Источник материала:

Англiчане завалодалi беларускай сталiцай. У дзень матча ў цэнтры горада яны паўсюль — дзве з паловай тысячы балельшчыкаў з туманнага Альбiёна чартарамi працягваюць прыбываць у Мiнск. Здаецца, нават людзi, далёкiя ад футбола, павiнны заўважыць, што вялiкiя падзеi адбываюцца ў беларускай сталiцы. Дэвiд Бэкхэм, Уэйн Рунi, Рыа Фердынанд — мара балельшчыкаў i балельшчыц усяго свету — зараз у Мiнску. Падзялiцца ўражаннямi перад матчам i спрагназаваць яго вынiк мы папрасiлi нашых суразмоўцаў.

Ягор Фiлiпенка, абаронца нацыянальнай зборнай i ФК "Спартак", Масква:

— У мяне заўсёды была мара гуляць у нацыянальнай зборнай Беларусi i я яе ўвасобiў. I цяпер супраць каго гуляць — Андоры цi Англii — не важна. Падрыхтоўка да Англii прайшла нармальна, правялi ў Германii тыднёвы збор. Падышлi да гульнi ў поўным узбраеннi. Мы будзем вельмi старацца набраць тры ачкi ў гэтай гульнi, а што атрымаецца — пабачым.

— Спадзяюся на вынiк 0:0. Мяркую, што зборная Беларусi зробiць усё магчымае, каб не прапусцiць. Што-што, а адбiвацца ад грандаў мы ўмеем. Аб гэтым сведчаць паядынкi са зборнымi Германii, Аргенцiны. I калi Англiя не здолее нам забiць, гэта будзе вялiкi поспех беларускай каманды. А ўлiчваючы, што цяпер нападзення ў нас практычна няма, то разлiчваць на галы не прыходзiцца. Спадзяюся, што пры сваiх гледачах, на сваiм полi мы здолеем здабыць адно ачко.

— Думаю, што будзе 1:1. Прычым пра шанцы на нiчыю ў гэтым матчы мне гаварылi многiя мае знаёмыя. У нашай каманды змянiлася псiхалогiя, магу гэта сказаць, як балельшчык з вялiкiм стажам. Мне 30 гадоў, а мой балельшчыцкi стаж 30 гадоў i 9 месяцаў — яшчэ мая мама разам з татам хадзiла на стадыён. У нашых футбалiстаў змянiўся менталiтэт, яны не баяцца сапернiка, хто б там нi выходзiў на поле — немцы, англiчане, аргенцiнцы. Калi англiчане i могуць перамагчы, то толькi за кошт iндывiдуальнага майстэрства. Але не па азарце i жаданнi. Прычым пры такой падтрымцы трыбун. На мой погляд, падтрымка балельшчыкаў будзе яшчэ лепшай, чым на матчы БАТЭ—"Ювентус", хоць i там яна была неверагоднай. У нападзеннi ў нас ёсць Радзiвонаў i Булыга, праўда, няма Глеба, якi можа пас аддаць, але лiчу, што гэта не такая вялiкая праблема. Сёння ахвяраваў абедам i паехаў у цэнтр горада паглядзець на англiйскiх балельшчыкаў. Трэба бачыць, што тут робiцца. На праспекце ад Нацыянальнага банка да "Макдональдса" iх столькi! Адна англiйская гутарка паўсюль. Валюту мяняюць, сядзяць у кафэ, рэстаранах, побач з кафэ сцягi свае паразвешвалi. На плошчы Перамогi яны ўсклалi вянок у форме сцяга Англii, вельмi прыгожы, дарэчы, нават беларускiя балельшчыкi побач з iм фатаграфуюцца. Нават шатландцаў тры гады таму столькi не было, праўда тыя былi ў кiлтах, адразу ў вочы кiдалiся. Англiчане, дарэчы, апрануты ў шорты i майкi. Пытаю, чаму так лёгка апранулiся, адказваюць, што думалi, што ў нас куды цяплей. Растлумачыў iм, што увечары, падчас матча, стане зусiм холадна.

— Мае прагнозы на матч? А якiя каманды гуляюць? Я думаю, наша зборная прайграе. Дзесьцi 1:3, каб ужо зусiм нашых не крыўдзiць. Чаму не веру ў нашу каманду? Скажу так, што не веру нi на адзiн працэнт, а чаму — асобнае пытанне i разважаць над iм зараз не хацелася б.

— Я хварэю за барысаўскi БАТЭ i жадаю яму поспехаў, гэтак жа, як i нацыянальнай зборнай. Але вось ужо каторы раз не ўдаецца трапiць на сталiчны стадыён "Дынама". Трэба штосьцi мяняць у сiстэме размеркавання бiлетаў i, на мой погляд, большасць iх павiнна прадавацца праз касы, каб нацыянальную зборную падтрымлiвалi сапраўдныя балельшчыкi...