Дзень БАТЭ

Источник материала:

Таго пад’ёму, на якiм зараз знаходзiцца беларускi футбол, яго гiсторыя яшчэ не ведала. Аптымiзм, якi выклiкае выступленне абноўленай нацыянальнай зборнай, выхад маладзёжнай каманды ў фiнал чэмпiянату Еўропы, i нарэшце, БАТЭ. Яго нiчыя ў выязным матчы з уладальнiкам Кубка УЕФА i Суперкубка Еўропы, пiцерскiм "Зенiтам", у трэцiм этапе групавога раўнда Лiгi чэмпiёнаў з разраду сенсацый паступова пераходзiць у заканамернасць — ад барысаўскага клуба пачынаюць чакаць вынiку i за камандай паступова замацоўваецца вызначэнне няўступнай, якая нiкому проста так ачкi не падорыць.

Тым не менш у Еўропе да матча ў Пiцеры ў поспех БАТЭ па-ранейшаму не верылi. Так, вядомая брытанская букмекерская кантора найбольш верагодным прызнавала вынiк 2:0 на карысць "Зенiта". Каэфiцыент на перамогу каманды з Расii складаў 1,25. У нiчыйны вынiк букмекеры не верылi (i дарэмна) — каэфiцыент 5,25, гэтак жа як i ў перамогу беларусаў — 13,0. Шапказакiдальнiцкiя настроi валодалi i сярод самiх пiцерцаў — напярэдаднi матча мясцовыя газеты выходзiлi з загалоўкамi кшталту "Паправiм рознiцу забiтых i прапушчаных мячоў" i "Сёння наш чэмпiён сустракаецца з запiсным аўтсайдарам". Футбольны гуру Дзiк Адваакат перад матчам заяўляў: "Для мяне ў беларускай камандзе сакрэтаў няма. Я бачыў некалькi яе гульняў i ведаю, чым моцны гэты клуб. Мы ведаем, якiя хады неабходна зрабiць для перамогi". Гульня ў чарговы раз даказала, што БАТЭ трапiў у групавы этап Лiгi чэмпiёнаў невыпадкова.

Гэта ў чарговы раз прагучала на пасляматчавай прэс-канферэнцыi, якую трансляваў афiцыйны сайт "Зенiта", ад галоўнага трэнера БАТЭ Вiктара Ганчарэнкi. "Мне ўжо даводзiлася неаднаразова адзначаць, што намi ганарыцца Барысаў i ўся краiна. Нягледзячы на тое, што нам прадказвалi нуль ачкоў у шасцi матчах, мы даказваем, што ў футбол сёння ўмеюць гуляць усе, i можна гуляць з любой камандай на перамогу.

"Хлопцы панурыя сядзяць у распранальнi, ёсць невялiкае расчараванне", — заявiў Вiктар Ганчарэнка. "Мы неаднаразова ў гэтым сезоне, павёўшы ў лiку, утрымлiвалi перавагу. Але ў "Зенiта" добрыя нападаючыя, якiя могуць i ствараць моманты, i рэалiзоўваць", — пахвалiў сапернiка Вiктар Ганчарэнка, а Дзiк Адваакат з iм не пагадзiўся. "Каэфiцыент карыснага дзеяння ў атацы быў не такi высокi, як хацелася б. Я ж сам не магу забiваць галы. Калi я быў малады, так, забiваў, а цяпер жа не магу. БАТЭ вельмi добрая, хуткая каманда, якая дзейнiчае агрэсiўна i шчыльна i любiць гуляць на контратаках.

Паўабаронца БАТЭ i аўтар гола ў вароты "Зенiта" Павел Няхайчык падзялiўся ўражаннямi пасля гульнi. "Цяпер мы глядзiм на Лiгу чэмпiёнаў iншымi вачыма. Мы iдзём крок за крокам, глядзiм, як развiваецца сiтуацыя ў нашай групе i карэктуем свае задачы. Хацелася б верыць у тое, што гол, забiты ў Лiзе чэмпiёнаў "Зенiту", падняў мой кошт на трансферным рынку i наблiзiў пераход у больш сур’ёзны клуб. Хоць БАТЭ выдатны клуб. Проста хацелася б выступаць на больш высокiм узроўнi, чым чэмпiянат Беларусi. У Расii? Чаму б i не?"

У той жа час паўабаронца БАТЭ Ігар Стасевiч аказаўся ў цэнтры ўвагi селекцыянераў пiцерскага "Зенiта". "Гульня беларускага клуба ўжо зрабiла ўражанне ў Еўропе, i паглядзець на гульцоў гэтага клуба ў Санкт-Пецярбург прыедзе не адзiн скаўт", — спасылаецца на iнфармаваную крынiцу Livе.ru. Пасля матча футбалiст заявiў: "Калi шчыра, у многiх нашых хлопцаў засталiся непрыемныя адчуваннi. Зенiтаўцы вельмi часта гулялi брудна, груба, бiлi спадцiшка. Таму з матывацыяй у Мiнску ў нас праблем не будзе, i гульцоў "Зенiта, абяцаю, чакае сур’ёзны бой".

Андрэй Аршавiн з характэрнай для расiйскага футбола праматой i адпаведнай лексiкай адгукнуўся аб вынiках матча. Моўныя вынаходствы пакiнем за кадрам, вось яго ўражаннi ад матча: "Мяркую, нi ў кога не выклiкала сумненняў, што клас нашай каманды вышэйшы, чым у БАТЭ. Але клас на вынiк гульнi не ўплывае. Уплывае тое, як людзi ўмеюць канцэнтравацца, а таксама выкарыстоўваць свае моманты. Добра, што Фацiху ўдалося забiць, гэта лепш, чым прайграць з лiкам 0:1. У Мiнску будзе зусiм iншы матч. Пакуль не ведаю, добры цi дрэнны. Упэўнены толькi ў адным — ён будзе iншым. I трэба да яго падрыхтавацца, разабраць памылкi, каб у сустрэчы ў адказ не схiбiць, як сёння мы гэта зрабiлi перад нашымi балельшчыкамi" — заявiў Андрэй Аршавiн.