Главная
Гороскопы
...
...
У Беларусi, па даных на 1 кастрычнiка, жыве 53 тыс. 149 ветэранаў Вялiкай Айчыннай вайны. Больш за ўсё ветэранаў у Мiнску (11,3 тыс. чалавек), менш за ўсё — у Гродзенскай вобласцi (4,1 тыс.). У Мiнску сёлета за 9 месяцаў нарадзiлася на 2547 чалавек больш, чым памерла. Па нараджальнасцi Мiнск займае другое месца пасля Брэсцкай вобласцi. Мiлiцыя шукае зламыснiкаў, якiя скралi з доследнага ўчастка ягадных культур Інстытута пладаводства ў Самахвалавiчах Мiнскага раёна кусты абляпiхi i актынiдыii. Скрадзеныя кусты каштуюць, па ацэнках спецыялiстаў, не менш за Br650 тыс. Супрацоўнiкi мiлiцыi затрымалi ў Вiлейскiм раёне групу зламыснiкаў, якiя падазраюцца ў серыi крадзяжоў кабелю з вышак мабiльнай сiстэмы сувязi. Згодна з папярэднiмi данымi, яны зрэзалi амаль 700 м кабелю. За прайшоўшую нядзелю ў Мiнску было здзейснена 5 спробаў самазабойства, два з якiх завяршылiся лятальным вынiкам. Забiлiся 90-гадовая жанчына, якая выкiнулася з 9-га паверха дома, i 39-гадовы мужчына — з 7-га паверха. Яшчэ трое мужчын, якiя ажыццявiлi спробы суiцыду ў розных раёнах горада, з траўмамi дастаўленыя ў бальнiцы. Беларусь займае трэцяе месца ў свеце па колькасцi суiцыдаў на 10 тыс. насельнiцтва. На першым месцы — Лiтва, на другiм — Расiя. Спробы развiтацца з жыццём, па словах спецыялiстаў, мужчыны робяць у 6 разоў часцей, чым жанчыны. Чатыры чалавекi загiнулi i пяць пацярпелi ў вынiку выбуху на Дзяржаўным казённым навукова-вытворчым прадпрыемстве iмя Ленiна (парахавы завод) у Казанi. Прычыны выбуху ўстанаўлiваюцца. 80-гадовы кiтайскi пенсiянер здаў у аўтасэрвiс аўтамабiль, забыўшы ў салоне свайго сабаку. На працягу месяца ён безвынiкова шукаў свайго ўлюбёнца, але так i не змог знайсцi, паколькi па старасцi забыўся, у якiм аўтасэрвiсе пакiнуў сваю машыну. Тым часам у майстэрнi, так i не дачакаўшыся пенсiянера, выставiлi аўтамабiль на вулiцу, а сабаку кармiлi праз шчылiну у акне. Калi з машыны стаў распаўсюджвацца смурод, яе ўскрылi, каб выцягнуць сабаку на вулiцу, аднак той не даўся ў чужыя рукi i застаўся ў салоне. Але ў машыне знайшлi дакументы пенсiянера i адшукалi яго. Калi стары прыйшоў у аўтасэрвiс, сабака, пачуўшы яго голас, выпрыгнуў з салона i заскочыў яму на рукi. Федэральны суд амерыканскага Грынвiля абавязаў адмiнiстрацыю буйной сеткi рознiчнага гандлю выплацiць кампенсацыю ў памеры трох мiльёнаў долараў пакупнiцы, у якой касiрка адмовiлася прымаць для аплаты банкноту ў сто долараў. Сваю адмову касiрка матывавала тым, што купюра быццам бы фальшывая. Жанчына спрабавала разлiчыцца банкнотай у двух iншых магазiнах сеткi, але вынiк быў той жа самы. Як выявiлася пазней, банкнота была сапраўдная, аднак супрацоўнiкi магазiнаў паспелi разаслаць некалькi дзясяткаў папярэджанняў аб нядобранадзейнасцi пакупнiцы i нават прыклалi яе фотаздымак. Жанчыну дапыталi ў Сакрэтнай службе ЗША, выявiлi, што нiякай вiны за ёй няма, пасля чаго яна i падала ў суд. ПОЎНЫ АБЗАЦ 39-гадовы японец падпалiў гатэль, у якiм павiнна была адбыцца цырымонiя яго ўступлення ў шлюб. Як паведамляюць агенцтвы, ён не хацеў жанiцца i вырашыў, што падпал гатэля выратуе яго ад гэтага. Як выявiлася, мужчына на гэты час ужо быў жанаты. У вынiку iнцыдэнту нiхто не пацярпеў. Усе госцi, якiя прыехалi на цырымонiю i жылi ў гатэлi, былi эвакуяваныя. Паводле паведамленняў карэспандэнтаў "Звязды" і інфармагенцтваў.
Чтобы разместить новость на сайте или в блоге скопируйте код:
На вашем ресурсе это будет выглядеть так
Чатыры чалавекi загiнулi i пяць пацярпелi ў вынiку выбуху на Дзяржаўным казённым навукова-вытворчым прадпрыемстве iмя Ленiна (парахавы завод) у Казанi |
|