Ёсць такая прафесiя — забяспечваць бяспеку...

Источник материала:

Якi партрэт сённяшняга супрацоўнiка падраздзялення аховы, i што за патрабаваннi прад’яўляюцца да кандыдатаў на згаданую службу? На гэтыя пытаннi згадзiўся адказаць палкоўнiк мiлiцыi Аляксандр Валуевiч, намеснiк начальнiка ўпраўлення кадраў Дэпартамента аховы — начальнiк аддзела камплектавання.

— Крыштальная чысцiня, высокая культура i неадкладнае выкананне патрабаванняў закона ў спалучэннi з разуменнем службовага абавязку, мужнасцю i рашучасцю ў барацьбе са злачыннасцю — вось абавязковыя якасцi кожнага з супрацоўнiкаў Дэпартамента аховы. Штогод у тэрытарыяльных падраздзяленнях аховы вывучаецца каля 3000 кандыдатаў з лiку цывiльнай моладзi, з якiх толькi 30 — 40 працэнтаў прымаюцца на службу.

— Ёсць шэраг прычын. Па-першае, некаторыя кандыдаты пасля першапачатковай азнаямленчай i растлумачальнай гутаркi адмаўляюцца ад паступлення на службу, калi даведваюцца, што за нагрузка i адказнасць кладзецца на супрацоўнiка мiлiцыi, i якiя патрабаваннi прад’яўляюцца да выканання iмi службовай i транспартнай дысцыплiны.

Па-другое, многiя з прэтэндэнтаў маюць нездавальняючае здароўе. Напрыклад, са 175 чалавек, якiя прайшлi ваенна-ўрачэбную камiсiю сёлета ў маi-чэрвенi, 56 прызнаны непрыдатнымi да службы.

Па-трэцяе, падчас вывучэння кандыдатаў выяўляюцца звесткi, якiя кампраметуюць, перашкаджаюць прыёму на службу ў органы ўнутраных спраў.

Па-чацвёртае, асобныя грамадзяне не маюць той фiзiчнай падрыхтоўкi, якой павiнен валодаць вартавы правапарадку.

— Каб набыць статус радавога i малодшага начальнiцкага складу, прасцей кажучы, быць прызначаным на пасаду мiлiцыянера, мiлiцыянера-вадзiцеля або мiлiцыянера-кiнолага, дастаткова мець атэстат аб сярэдняй адукацыi. Разам з тым, ажыццяўляючы кадравую палiтыку Мiнiстэрства ўнутраных спраў, у падраздзяленнях аховы вядзецца планамернае камплектаванне ўказаных пасад кандыдатамi з сярэдняй спецыяльнай i вышэйшай адукацыяй. Для гэтага праводзiцца рэгулярная агiтацыйна-растлумачальная работа ва ўстановах адукацыi. Як вынiк, за 9 месяцаў 2008 года на службу прынята 47 чалавек, якiя маюць вышэйшую адукацыю, i 90 — з сярэдняй спецыяльнай адукацыяй, а гэта практычна 40 працэнтаў ад агульнай колькасцi прынятых на службу.

— Перш чым паступiць на службу да нас, кандыдат павiнен прайсцi тэрмiновую ваенную службу. Толькi ў выключных выпадках, пры наяўнасцi вышэйшай адукацыi, можа быць прынята рашэнне не ўлiчваць гэтага патрабавання. Прыярытэт аддаецца былым вайскоўцам унутраных войскаў МУС.

Адной з формаў вывучэння кандыдатаў на службу з’яўляецца сiстэма рэкамендацыйных пiсьмаў (паручыцельстваў), якая дзейнiчае ў падраздзяленнях Дэпартамента аховы на працягу дзесяцi гадоў. Вывучэнне крынiц камплектавання кадраў у органы ўнутраны ўнутраных спраў паказала, што больш за 90 працэнтаў тых, хто паступае на службу ў мiлiцыю, прымаюцца па рэкамендацыях мясцовых органаў улады, накiраваннях працоўных калектываў i вайсковых часцей.

— На пасады радавога i малодшага начальнiцкага складу органаў унутраных спраў прымаюцца грамадзяне, як правiла, не старэйшыя за 25 гадоў, а на пасады сярэдняга i старшага начальнiцкага складу — не старэйшыя за 30 гадоў. Але могуць быць прынятыя грамадзяне i старэйшыя, калi да дасягнення межавага ўзросту знаходжання на службе яны будуць мець права на пенсiю за выслугу гадоў. Што гэта азначае? Гэта азначае, што пры дасягненнi супрацоўнiкам малодшага начальнiцкага складу 45 гадоў ён павiнен мець выслугу на ваеннай службе або на службе ў органах унутраных спраў 20 гадоў i больш.

— Адна з прыярытэтных задач, якую ставiць перад сабой кiраўнiцтва Дэпартамента аховы, — дабiцца паважлiвага стаўлення адносiнаў грамадзян да работы супрацоўнiкаў Дэпартамента аховы. Поспех у выкананнi нашай работы ў значнай ступенi залежыць як ад якасцi кадраў, што адбiраюцца на службу, так i ад ацэнкi насельнiцтвам таго, цi годна мы выконваем свае службовыя абавязкi.