На Камітэт дзяржкантролю Беларусi ўскладзена абавязковае ўзгадненне законапраектаў у фiнансава-экана

Источник материала:

На Камiтэт дзяржаўнага кантролю Беларусi ўскладзена абавязковае ўзгадненне праектаў законаў у фiнансава-эканамiчнай сферы. Гэта прадугледжана ўказам № 600 "Аб унясеннi змяненняў ва ўказы Прэзiдэнта Рэспублiкi Беларусь i прызнаннi страцiўшымi сiлу некаторых указаў i асобных палажэнняў указаў Прэзiдэнта Рэспублiкi Беларусь па пытаннях нарматворчай дзейнасцi", якi 4 лiстапада падпiсаў кiраўнiк дзяржавы Аляксандр Лукашэнка.

Да гэтага часу такое ўзгадненне было прадугледжана толькi ў адносiнах да праектаў прававых актаў Прэзiдэнта Беларусi ў гэтай сферы. Указ уступае ў сiлу пасля афiцыйнага апублiкавання.

Кiраўнiк дзяржавы 4 лiстапада таксама выдаў дэкрэт № 21 "Аб унясеннi змянення ў Палажэнне аб афiцыйным апублiкаваннi i ўступленнi ў сiлу прававых актаў Рэспублiкi Беларусь".

"Згодна з Дэкрэтам у Палажэннi аб афiцыйным апублiкаваннi i ўступленнi ў сiлу прававых актаў замацоўваюцца асаблiвасцi ўступлення ў сiлу нарматыўных прававых актаў, што датычацца правоў, свабод i абавязкаў iндывiдуальных прадпрымальнiкаў i юрыдычных асобаў. У прыватнасцi, прадугледжана, што гэтыя акты ўступаюць у сiлу пасля iх афiцыйнага апублiкавання, калi iншае не вызначана заканадаўчымi актамi", — паведамiлi ў прэс-службе Прэзiдэнта.

Дэкрэт уступае ў сiлу пасля яго афiцыйнага апублiкавання, з’яўляецца часовым i ў адпаведнасцi з часткай трэцяй артыкула 101 Канстытуцыi Рэспублiкi Беларусь прадстаўляецца на разгляд Нацыянальнага сходу.

Указ i дэкрэт накiраваны на ўдасканаленне нарматворчага працэсу i прывядзенне прававых актаў кiраўнiка дзяржавы ў адпаведнасць з законам ад 15 лiпеня 2008 года "Аб унясеннi змяненняў i дапаўненняў у некаторыя законы Рэспублiкi Беларусь па пытаннях нарматворчай дзейнасцi".