Амерыканская кампанія "РSS Wоrld Mеdiсаl" прапануе Беларусi супрацоўнiцтва ў вырабе медыцы

Источник материала:

Аляксандр Лукашэнка падкрэслiў, што ў Беларусi аказваецца сур’ёзная падтрымка прадпрыемствам, якiя прыходзяць з iмпартазамяшчальнай прадукцыяй i працуюць на экспарт. "Калi ва ўмовах канкурэнцыi вы пераможаце, пакiдайце сваю прадукцыю, колькi хочаце. Калi вам патрэбна наша дзяржаўная падтрымка ў плане пастаўкi лекавых прэпаратаў i медыцынскай тэхнiкi, то мы аказваем такую падтрымку замежным прадпрыемствам, але вы павiнны прапанаваць цану нiжэйшую за цяперашнiя пастаўкi. Тады будзе матывацыя перад людзьмi, што я падтрымлiваю ваша прадпрыемства. А далей — свабодная канкурэнцыя", — сказаў кiраўнiк дзяржавы. Што датычыцца будаўнiцтва ў Беларусi прадпрыемстваў па выпуску медыцынскай прадукцыi, Аляксандр Лукашэнка адзначыў: "Ведаю, што вы пабудуеце прадпрыемства, якое будзе экспартаарыентаваным, i будзеце выпускаць тую прадукцыю, якой няма ў Беларусi, таму атрымаеце значныя ў гэтым плане прэферэнцыi. I тут мы будзем вас сур’ёзна падтрымлiваць i будзем ставiцца да вас як да свайго прадпрыемства".

У сваю чаргу кiраўнiцтва кампанii "РSS Wоrld Mеdiсаl" адзначыла, што ў iх ёсць прапановы па выпуску прадукцыi (грунтуючыся на беларускiя рэсурсы) i пастаўках яе ў ЗША i iншыя краiны. Кампанiя "Рhуsiсiаn Sаlеs & Sеrviсе (РSS) Wоrld Mеdiсаl" з’яўляецца лiдарам на рынку ЗША ў галiне паставак медыцынскай прадукцыi.