Главная
Гороскопы
На АНТ пачынаецца гонка за сямейным шчасцем
На АНТ пачынаецца гонка за сямейным шчасцем
Дакладней, за матэрыяльным яго складнiкам. Бо, па ўмовах новага тэлепраекта "Пасаг для нявесты", трывалыя пачуццi i стабiльныя стасункi i гатоўнасць наведаць ЗАГС ва ўдзельнiц i iх "другiх палавiнак" — прысутнiчаюць па змоўчаннi. А вось рэчы, неабходныя для пачатку сямейнага жыцця будучай ячэйкi грамадства — уласна кажучы, той самы пасаг — тэлеканал АНТ прапануе выйграць у працэсе сямейнага шоу. У якасцi галоўнага прыза пераможцу праекта чакае нi многа нi мала — 25 мiльёнаў беларускiх рублёў. Яшчэ ў жнiўнi патэнцыйныя нявесты пачулi ў эфiры АНТ гэту заманлiвую прапанову — сабраць сабе пасаг. Як аказалася, гэта i праўда была тая прапанова, ад якой амаль немагчыма адмовiцца. Ва ўсякiм разе, больш як 2,5 тысячы жанчын адправiлi свае анкеты. На кастынг была запрошана тысяча нявестаў, з якiх да пачатку шоу змаглi прабiцца толькi 50. Дакладней, 49 — бо адну вакансiю заняў... хлопец, якi быў гатовы прайсцi ўсе выпрабаваннi замест сваёй нявесты. Гэтыя паўсотнi чалавек i ўзялi ўдзел у масавым забегу ў вясельных сукенках i спартыўнай экiпiроўцы — шлемах, налакотнiках, накаленнiках ды красоўках. Пераможца гэтых незвычайных стартаў атрымала спецыяльны прыз i працягнула ўдзел у шоу, яшчэ 6 гераiнь праекта адабралi члены журы. Аб тым, як гэта было i якiя этапы давялося прайсцi ўдзельнiцам ва ўпартай барацьбе, вядучыя шоу "Пасаг для нявесты" Анжэлiка Агурбаш i Ягор Хрусталёў пачнуць расказваць з гэтай нядзелi, 23 лiстапада. Вiкторыя ЦЕЛЯШУК. Фота прадстаўлена тэлеканалам.
Чтобы разместить новость на сайте или в блоге скопируйте код:
На вашем ресурсе это будет выглядеть так
Дакладней, за матэрыяльным яго складнiкам. Бо, па ўмовах новага тэлепраекта "Пасаг для нявесты", трывалыя пачуццi i стабiльныя стасункi i га
|
|