Паслуга пераноснасці нумароў сотавых аператараў можа быць укаранёна ў Беларусi ў 2012 годзе

Источник материала:

Мiнсувязi лiчыць немэтазгодным перавод усiх абанентаў МТС i Vеlсоm у новыя занальныя коды. Аб гэтым паведамiў мiнiстр сувязi i iнфарматызацыi Беларусi Мiкалай Панцялей у час оn-linе-канферэнцыi на сайце БЕЛТА. "Мiнсувязi плануе ўкаранiць паслугу перанясення нумара ў сетках сотавай рухомай электрасувязi, таму перавод усiх абанентаў МТС i Vеlсоm у новыя занальныя коды немэтазгодны", — сказаў ён.

Калегiя Мiнiстэрства сувязi i iнфарматызацыi зацвердзiла тэрмiн пераводу абанентаў аператараў з кода 029 у 033 для МТС i 044 для Vеlсоm з 1 лiстапада 2008 года. Аператары сотавай сувязi пачалi падключаць абанентаў да новых занальных кодаў яшчэ ў 2007 годзе.

"Мы разлiчваем, што ў 2012 годзе будзе прыняты нарматыўны акт, якi дае магчымасць захоўваць нумар пры пераходзе абанентаў на абслугоўванне iншым аператарам", — праiнфармаваў кiраўнiк ведамства.

Лiчбавае тэлебачанне да 2011 года стане даступным для 80 працэнтаў насельнiцтва Беларусi. Гэта прадугледжана распрацаваным Мiнiстэрствам сувязi i iнфарматызацыi планам мерапрыемстваў па паскораным укараненнi лiчбавага тэлевiзiйнага вяшчання ў Беларусi.

Да 2015 года плануецца ўкаранiць лiчбавае тэлевiзiйнае вяшчанне на ўсiх радыётэлевiзiйных перадаючых станцыях з максiмальным ахопам насельнiцтва рэспублiкi, пасля чаго плануецца адключэнне аналагавага тэлевiзiйнага вяшчання.