Аўтамабіль, каб вырвацца на волю

Источник материала:

запатрабаваў арыштаваны, якi захапiў у якасцi закладнiцы ў папраўчай калонii № 1 у Мiнску медсястру i прыкрываўся жанчынай як жывым шчытом.

Нягледзячы на свой малады ўзрост, 18-гадовы злачынец, ураджэнец Кiраўскага раёна, ужо быў судзiмы за крадзяжы. На гэты раз, удакладнiлi карэспандэнту "Звязды" ва ўпраўленнi iнфармацыi i грамадскiх сувязяў МУС, ён быў арыштаваны па крымiнальнай справе аб забойстве. А тыдзень таму зняволенага даставiлi ў беларускую сталiцу i змясцiлi ў Рэспублiканскую бальнiцу папраўчай калонii з дыягназам "рынiт". Аднак у чацвер у крымiнальнiка, падобна, канчаткова "знесла дах" (арыштаваны i да гэтага не вызначаўся памяркоўнасцю i вёў сябе нахабна). Напачатку шостай вечара ў пакоi медсястры хiрургiчнага аддзялення ён раптоўна прыставiў лязо нажа да горла медсястры. Напалоханая жанчына паспрабавала вырвацца, ды толькi дзе там: злачынца парэзаў ёй рукi.

Супрацоўнiк аховы, якi ўступiў у перамовы са зламыснiкам, прапанаваў замест медсястры сябе ў закладнiкi. Злачынца пагадзiўся, але i тут справа не абышлася без крывi: каб завалодаць наручнiкамi, крымiнальнiк нанёс афiцэру некалькi нажавых раненняў у вобласць шыi, а пасля скаваў яго рукi.

На месца здарэння тэрмiнова прыбыў мiнiстр унутраных спраў Уладзiмiр Навумаў, якi разам з камандзiрам спецпадраздзялення па барацьбе з тэрарызмам "Алмаз" Мiкалаем Карпянковым праводзiлi перамовы са зняволеным. Аднак калi праваахоўнiкi ўпэўнiлiся, што злачынца неадэкватны, а жыццё супрацоўнiка органаў унутраных спраў знаходзiцца пад пагрозай, было прынята рашэнне аб лiквiдацыi зламыснiка. Што датычыцца медсястры i афiцэра, якiя пацярпелi ў вынiку iнцыдэнту, то цяпер iх здароўю ўжо нiчога не пагражае. Кiраўнiцтва МУС накiравала хадатайнiцтва аб прадастаўленнi афiцэра-закладнiка да дзяржаўнай узнагароды.