КДК зноў праверыць, ці своечасова дзяржслужачыя прыходзяць на працу

Источник материала:

"КДК у блiжэйшы час праверыць выкананне працоўнай дысцыплiны ў арганiзацыях рэспублiкi, у тым лiку i сацыяльнай сферы", — паведамiлi ў КДК.

Там адзначылi, што 25—26 лiстапада КДК правёрыў своечасовасць прыходу на працу ў мiнiстэрствах, ведамствах i дзяржаўных установах рэспублiкi. Былi праведзены праверкi ў 119 дзяржаўных арганiзацыях i ўстановах, у тым лiку мiнiстэрствах i ведамствах, удакладнiлi ў камiтэце.

"Своечасова не з’явiлiся на працу каля 400 чалавек", — удакладнiлi ў КДК. "Работнiкi, якiя парушылi працоўную дысцыплiну, будуць прыцягнуты да дысцыплiнарнай адказнасцi. На наступным тыднi КДК праверыць, як дзяржорганы i ўстановы адрэагавалi на вынiкi праверак", — адзначылi ў камiтэце. Як паведамiў у эфiры Першага нацыянальнага тэлеканала старшыня КДК Зянон Ломаць, "лiдарамi па спазненнях аказалiся мiнiстэрствы спорту i турызму, адукацыi i замежных спраў, дзе на працу спазнiўся кожны шосты супрацоўнiк". "Нямала парушэнняў працоўнай дысцыплiны было выяўлена ў мiнiстэрствах эканомiкi, юстыцыi, дзяржаўным камiтэце па маёмасцi, шэрагу раённых адмiнiстрацый", — адзначыў З. Ломаць.