Пацяплее і снег зменiцца дажджом

Источник материала:

У пятнiцу i суботу тэрыторыя Беларусi будзе знаходзiцца у зоне павышанага цiску, таму ападкаў не прадбачыцца, толькi ў суботу ўдзень у Брэсцкай вобласцi магчымы дождж i мокры снег, месцамi туман, слабы галалёд, на дарогах галалёдзiца, паведамiў рэдакцыi начальнiк службы гiдраметэапрагнозаў Рэспублiканскага гiдраметцэнтра Дзмiтрый Рабаў.

Сёння ўдзень 1—6 цяпла, у суботу ўначы ад мiнус 2 да плюс 3, удзень — ад 0 да плюс 6 градусаў. У нядзелю — дажджы, уначы ад мiнус 2 да плюс 3 градусаў, удзень — 1—7 цяпла. У пачатку наступнага тыдня часам дажджы, месцамi моцны туман, уначы i ранiцай на асобных участках дарог галалёдзiца. Уначы ад мiнус 1 да плюс 5 градусаў, удзень 1—6 цяпла, па поўднi краiны — да плюс 8 градусаў. Такое адносна цёплае i вiльготнае надвор’е захаваецца ўсю першую дэкаду снежня.

Каля вёскi Вiстычы Брэсцкага раёна знойдзены кулямёт Калашнiкава i пры iм дзве стужкi патронаў.

Зброя была закручаная ў тканiну i ляжала на абочыне дарогi.

39-гадовы гамяльчанiн, якi зараз нiдзе не працуе, раней быў пры пасадзе — з’яўляўся генеральным дырэктарам аднаго з маскоўскiх таварыстваў з абмежаванай адказнасцю. Менавiта ў той час, а дакладней з лiстапада 2006 па сакавiк гэтага года, падазроны i ўмудрыўся разжыцца 80 мiльёнамi 900 тысячамi рублёў: грошы ён выкраў у прадпрыемстваў, што займаюцца вытворчасцю алкагольнай прадукцыi i з’яўляюцца заснавальнiкамi ТАА. Папярэднiм расследаваннем МУС у дачыненнi да гамяльчанiна ўзбуджана крымiнальная справа.

Пракуратура Драгiчынскага раёна завяла крымiнальную справу на кiраўнiка фермерскай гаспадаркi, якi падазраецца ў тым, што, згаварыўшыся з адказнымi асобамi ААТ "Драгiчынскi камбiкормавы завод", восенню мiнулага года выкраў па фiктыўных дакументах 147 свiней, якiя належалi заводу. На маёмасць фермера накладзены арышт.

Супрацоўнiкi мiлiцыi затрымалi жыхароў Мiнска, якiя выкрадалi адзенне з буцiкаў, выкарыстоўваючы новыя метады — пры дапамозе магнiту i фольгi, якiмі размагнiчвалі клiпсу або магнiтную стужку са штрых-кодам. Жанчына працавала ў групе з 5 чалавек. Усе, за выключэннем яе, былi раней неаднаразова судзiмыя. У гэтым жа гiпермаркеце быў затрыманы мужчына, якi браў два пластыкавыя пакеты, мiж iмi ўстаўляў фольгу, запячатваў краi i ў двайны пакет, якi атрымаўся, складваў адзенне. Фольга закрывала "клiпсы" i магнiтныя стужкi, i кантрольная рамка не рэагавала.

Яму б на лугавiне пасвiцца, а ён "упадабаў" склеп. Як гэта было, гаспадар Буланкi, жыхар адной з вёсак Калiнкавiцкага раёна, i сам не ведае: увалiўся туды — i ўсё. Спрабавалi вяскоўцы вызвалiць яго з палону, ды склеп глыбокi, а вага ў каня — вялiкая. Таму давялося звяртацца да супрацоўнiкаў раённага аддзела МНС. Выратавальнiкi справiлiся.