...

 Трое дзяцей выратаваныя з агню ў вёсцы Пушкары Вiцебскага раёна. Дзецi двух, чатырох i пяцi гадоў знаходзiлiся ў прыватным доме, у якiм успыхнуў пажар. Усiх iх удалося выратаваць супрацоўнiкам МНС, якiя аператыўна прыбылi на месца здарэння.

 Больш за 450 патронаў, 10 артылерыйскiх снарадаў, больш за 20 узрывальнiкаў, 8 гранат, 7 мiнамётных мiн i 5-лiтровы слоiк пораху выявiлi ў кватэры непрацуючага жыхара Кармянскага раёна, 1980 г.н. супрацоўнiкi мiлiцыi. Боепрыпасы знiшчаныя групай размiнiравання. Праводзiцца разбор.

 У Вiцебску затрыманы мужчына, якi падазраецца ў серыi нападаў на жанчын. Напады адбылiся ў перыяд з 24 па 27 кастрычнiка: два выпадкi хулiганства, дзве спробы згвалтавання i адно — гвалтоўныя дзеяннi сэксуальнага характару. Па падазрэннi ў здзяйсненнi злачынстваў затрыманы жыхар абласнога цэнтра, якi стаiць на ўлiку ў абласным псiханеўралагiчным дыспансэры. Ён i раней прыцягваўся да крымiнальнай адказнасцi за сэксуальныя злачынствы.

 Супрацоўнiкi беларускай мiлiцыi затрымалi буйную партыю фальшывых еўра, увезеных з Украiны. Па падазрэннi затрыманы некалькi чалавек. У мiлiцыi ёсць iнфармацыя, што некалькi купюр вартасцю ў 200 долараў трапiлi ў абарот. Падробкi былi высокай якасцi: з 10 ступеняў абароны на купюрах прысутнiчалi.

 Ва ўкраiнскiм горадзе Чарнаўцы 14-гадовая дзяўчынка ўпала з 9-паверха дома i засталася жывая. З дыягназам "посттраўматычны шок, траўма чэрапу i пералом сцягна" дзiця было шпiталiзаванае ў бальнiцу. Стан дзяўчынкi ацэньваецца як цяжкi. Абставiны здарэння ўдакладняюцца.

 Талiнскi ўладальнiк "Мустанга" не пажадаў спынiцца па патрабаваннi рэгулiроўшчыка, i калi той паспрабаваў стаць перад машынай, каб затрымаць парушальнiка, нацiснуў на газ. Рэгулiроўшчыку нiчога не заставалася, акрамя як заскочыць на капот i трымацца. Спрабуючы скiнуць "пасажыра", парушальнiк праехаў паўтара кiламетра. Пры гэтым ён моцна разганяўся i рэзка тармазiў, але безвынiкова. Рэгулiроўшчык з нязначнымi траўмамi дастаўлены ў бальнiцу, вадзiцель патлумачыў палiцыi, што ён проста спужаўся, думаючы, што рэгулiроўшчык хоча напасцi на яго.

Самымi пажылымi шлюбнiкамi ў Брытанii сталi мужчына i жанчынаю, агульны ўзрост якiх складае 179 гадоў. Джон Доўкiнс (89 гадоў) i Пенi Купер (90 гадоў) вырашылi ажанiцца праз 9 гадоў пасля знаёмства на дабрачынным вечары для ветэранаў вайны. "Гэта была самая прыгожая малдая лэдзi ў пакоi, — так апiсаў сустрэчу маладажон. — Без сумнення, калi б я не сустрэў Пенi, я быў бы звычайным злосным старыканам". На шлюбным працэсе прысутнiчалi 4 дзяцей вiноўнiкаў урачыстасцi, 5 унукаў i 10 праўнукаў.

Паводле паведамленняў карэспандэнтаў "Звязды" i iнфармагенцтваў.