Снежань чакаецца на два градусы цяплейшы за сярэднія шматгадовыя значэннi

Источник материала:

Для Мiнска гэта норма складае 4,3 градуса марозу. Паводле папярэднiх прагнозаў, адлiга будзе пераважаць на працягу першай дэкады месяца, расказала галоўны сiноптык Рэспублiканскага гiдраметэацэнтра Вольга Фядотава. Тэмпература паветра ўначы ў гэты перыяд 0 — +5, удзень — +2 — +7. Калi-нiкалi будзе iсцi дождж, часам мокры снег. Блiжэй да сярэдзiны снежня прыток цёплага паветра аслабее. Уначы падмарозiць да -1 — -6 (пры праясненнях да -10 градусаў), удзень тэмпература будзе вагацца ад -3 да +2. К канцу месяца ўначы тэрмометр пакажа ад -3 — -6 да 0 — +1. Зрэшты, у асобныя ночы магчыма i панiжэнне тэмпературы да -10. Удзень жа пераважна -2 — +3. У трэцяй дэкадзе снежня снег, мокры снег i дождж будуць змяняць адзiн аднаго. У цэлым жа за месяц прагназуецца 70—75 працэнтаў ападкаў ад шматгадовых значэнняў (для Мiнска гэта 50 мiлiметраў). Якой жа будзе гэта зiма ў цэлым? Па разлiках сiноптыкаў, адносна цёплай, але ўсё ж халаднейшай, чым папярэдняя, якая ўвайшла ў лiк самых цёплых зiм за стагоддзе.

Кантралёр аднаго з фiлiялаў беларускага банка ў Калiнкавiчах, вiдаць, была вялiкiм аматарам "Суперлато": iначай як патлумачыць тое, што жанчына падазраецца ў крадзяжы 300 латарэйных бiлетаў, што знаходзiлiся пад яе ўлiкам. Як паведамiлi карэспандэнту "Звязды" ў прэс-службе УУС Гомельскага аблвыканкама, супрацоўнiкi аддзела па барацьбе з карупцыяй i эканамiчнымi злачынствамi ўстанавiлi, што 27-гадовая мясцовая жыхарка на працягу чэрвеня—верасня прысвоiла больш за 300 латарэйных бiлетаў на агульную суму 1 мiльён 270 тысяч рублёў. Мiж iншым, грошы за бiлеты ў касу банка кантралёр не ўносiла.

У прыватнасцi, як паведамiлi спецыялiсты Мiнскага аддзялення Беларускай чыгункi, 3 снежня электрацягнiкi Мiнск, Iнстытут культуры — Стоўбцы (адпраўленнем на 14.39) i Стоўбцы — Мiнск (адпраўленнем на 11.56) адменены. 5 снежня адмяняюцца электрацягнiкi Мiнск, Iнстытут культуры — Барысаў (адпраўленнем на 12.08) i Барысаў — Мiнск-Усходнi (адпраўленнем на 10.16). У гэты ж дзень электрацягнiк Мiнск-Усходнi — Орша (адпраўленнем на 13.13) прызначаецца са стаянкамi на прыпыначных пунктах Садовы, Слабада, Загор’е, Барсукi, Пр. Перамога. 12 снежня будуць адменены электрацягнiкi Мiнск — Асiповiчы i Асiповiчы — Мiнск (адпраўленнем, адпаведна, на 15.04 i 12.53).

На пад’язным пуцi ААТ "Жабiнкаўскi цукровы завод" загiнуў 48-гадовы жыхар в. Сцебрава. Мужчына спрабаваў пралезцi пад цягнiком, якi ўжо крануўся з месца.

У электрашчытавой трансфарматарнай падстанцыi вёскi Дабрынёва Iвацэвiцкага рана быў знойдзены труп 50-гадовага жыхара вёскi Сасноўка.