У Беларусі павышаюцца шанцы для прыцягнення iнвестыцый у перыяд сусветнага фiнансавага крызiсу

Источник материала:

"Стабiльнасць дзяржавы, эканамiчных, фiнансавых i грамадскiх сфераў могуць стаць нашымi козырамi ў гэтай сiтуацыi", — сказаў Сяргей Лiнг.

Ён аргументаваў сваю думку. Сёння ўзнiкае трывога ў людзей, якiя маюць грошы, гэта значыць у нашых магчымых iнвестараў. Яны шукаюць, куды можна ўкласцi сродкi, каб яны не прапалi. І ў гэтай сiтуацыi iмiдж такой краiны, як ЗША, ужо недастатковы, каб смела пайсцi на ўкладаннi там капiталу, таму што з наступленнем сусветнага крызiсу ўсе ўбачылi, што "мыльныя пузыры" выраслi не ў рэальным сектары эканомiкi, якi, дарэчы, у Беларусi прэвалiруе, а зусiм у iншай сферы. Таму трывога iнвестараў абгрунтаваная. У сувязi з гэтым яны i глядзяць на Беларусь, якая з’яўляецца адкрытай краiнай, размяшчаецца на транзiтных шляхах.

"Што б нi гаварылi, абысцi i аб’ехаць нашу краiну цяжка, таму жыццё прывядзе да таго, што прамая праз Беларусь — гэта самы правiльны i танны шлях", — сказаў Сяргей Лiнг. Калi iнвеставаць у эканомiку Беларусi, сродкi не прападуць, таму што дзяржава мае моцную сiстэму кантролю фiнансаў. "Магчымасць раскрасцi гэтыя грошы ў нас проста адсутнiчае", — дадаў эксперт.

Сiгналам для iнвестараў з’яўляюцца таксама адпаведныя гарантыi дзяржавы банкам i ўкладчыкам. Вялiкае значэнне тут мае i высокi ўзровень адукацыi насельнiцтва, наяўнасць квалiфiкаваных рабочых кадраў. Пры гэтым Сяргей Лiнг назваў фактары, якiя пасадзейнiчалi б фармiраванню яшчэ больш прывабнага iнвестклiмату, у прыватнасцi, знiжэнне падатковага цяжару.

Таксама, на яго думку, трэба праiнвентарызаваць усе рэалiзуемыя праграмы i сканцэнтраваць намаганнi на найбольш важных, у тым лiку па вытворчасцi прадуктаў харчавання, лякарстваў. Ва ўмовах уплыву сусветнага крызiсу трэба звярнуць увагу i на выкананне прагнозных паказчыкаў сацыяльна-эканамiчнага развiцця. "Прадпрыемствы павiнны выпускаць прадукцыю, якую бярэ рынак, галоўнае — не колькi вырабiлi, а колькi рэалiзавалi", — падкрэслiў Сяргей Лiнг.

Усе гэтыя фактары i механiзмы могуць пераканаць iнвестараў укласцi грошы ў Беларусь, рэзюмаваў прадстаўнiк БНПА.