УВЯДЗЕННЕ, ВЕДЗЯННЁ

Источник материала:

l У народным разуменнi хрысцiянскае свята Увядзення Багародзiцы ў храм звязана з паняццем "уводзiнаў", "пачатку" зiмы, што адпавядае рэчаiснасцi i набыццю зiмой сваiх правоў: "Увядзенне прыйшло — зiму прывяло".

l Царкоўнае свята Увядзенне Багародзiцы ў храм першы раз узгадваецца ў летапiсах VІI—VIII стст. Святыя праведныя Iаакiм i Ганна старанна малiлiся Богу, каб ён падараваў iм дзiця, абяцаючы прысвяцiць яго служэнню Госпаду пры храме. Бог пачуў iх малiтву, i ў iх нарадзiлася дачка, якой далi iмя Марыя. Калi ёй споўнiлася тры гады, Iаакiм i Ганна выканалi сваё абяцанне i прывялi трохгадовую Марыю ў Iерусалiмскi храм. Яны павiнны былi прайсцi 15 даволi высокiх прыступак. Бацька хацеў узяць дзяўчынку на рукi, але яна сама лёгка пабегла наверх. У гэтым храме яна атрымала адукацыю i выхаванне. Па звычаi, праз пасвячэнне праходзiлi толькi прадстаўнiкi мужчынскага полу, але для Святой Дзевы было зроблена выключэнне. У гонар гэтай падзеi ў V цi VI ст. у Iерусалiме быў пабудаваны храм, якi стаяў на тым самым месцы, дзе некалi жыла Дзева Марыя.

l Асаблiвае ўшанаванне жанчын у гэты дзень наблiжала свята Увядзення да iншых "жаночых святаў" — Пакроваў i дня ўшанавання Параскевы Пятнiцы.

l "Ведзяннё — каб было ў дзевак пiцяннё i едзяннё" — на Увядзенне, Новы год i Троiцу дзяўчаты збiралiся на гуляннi i "кумiлiся", г.зн. выбiралi сабе сяброўку.

l З гэтага дня паўсюдна распачыналiся зiмовыя, Увядзенскiя, гандлi i кiрмашы.

l Для таго, каб наладзiць улазiны, трэба было выбраць самы спрыяльны, "шчаслiвы" дзень. Калi будаўнiцтва распачыналася напярэдаднi Троiцы, то пераход у новую хату, улазiны, трэба было праводзiць восенню цi на пачатку зiмы. Лiчылася, што святы Сiмяон, якi ўшаноўваецца 14 верасня, прынясе новай хаце i яе жыхарам шчасце i радасць. Таксама спрыяльным днём для ўлазiн лiчыўся дзень Увядзення Багародзiцы ў храм — 4 снежня.

l Па надвор’i гэтага дня прадказвалi, што будзе надалей: