Слоік ў сэрца...

Источник материала:

Нават супрацоўнiкi праваахоўных органаў у жаху ад двух жорсткiх забойстваў ў Рэчыцы. Знявечаннае цела 30-гадовага мужчыны было знойдзена ва ўласным доме. У грудной клетцы на ўзроўнi сэрца кухонным нажом прарэзана круглая адтулiна, выламаны рабрыны i ўстаўлены паўлiтровы шкляны слоiк. Пракурор Рэчыцкага раёна Аляксандр Драздоў не можа ўзгадаць чагосьцi падобнага за апошнiя 10 гадоў.

Следства разглядала мноства розных версiй забойства. Было дакладна ўстаноўлена — злачынца хацеў выцягнуць з трупа сэрца, але не змог. Навошта забiў туды слоiк, так i засталося загадкай. Зразумела, гучнае забойства выклiкала грамадскi рэзананс i самыя розныя плёткi. Але ж наступнае жудаснае злачынства, якое адбылося праз тры днi, усё расставiла па месцах.

Сярод белага дня ў двары свайго дома была збiта i парэзана да смерцi жанчына. На яе целе следчыя знайшлi дзясяткi колата-рэзаных ран. Мужа забiтай кiнулi ў запушчаным доме з перарэзаным горлам. Але яму пашанцавала больш — мужчына цудам выжыў i цяпер знаходзiцца ў рэанiмацыi. Па паказаннях адзiнага сведкi, аператыўнiкi затрымалi двух юнакоў 17 i 18 гадоў. Адбiткi iх пальцаў аказалiся на месцы абедзвюх крывавых распраў.

Высветлiлася, што яны знаёмiлiся з выпадковымi ахвярамi, а пасля распiцця алкаголю, жорстка iх забiвалi. Як паведамiў следчы па важнейшых справах пракуратуры Гомельскай вобласцi Аляксандр Цылько, "прычынай першага забойства з’явiлася тое, што пацярпелы iм проста не спадабаўся. Спроба выразаць сэрца з трупа тлумачыцца iмi тым, што можна было б знайсцi яму прымяненне. Прычынай другога забойства i замаху на жыццё стала быццам бы тое, што пацярпелыя запазычылi грошы iх знаёмаму. Зноў жа прычын жорсткасцi яны растлумачыць не могуць".

Аб злачынцах вядома, што абодва мелi цяжкае дзяцiнства. Адзiн рос у дзiцячым доме, а другi выхоўваўся ў няпоўнай сям’i. Праблемай iх перавыхоўвання зараз зоймуцца праваахоўныя органы. 18-гадовага чакае пажыццёвае зняволенне або выключная мера пакарання, а маладзейшаму пагражае да 15 гадоў пазбаўлення волi — з-за маладога ўзросту.