Цудадзейная сіла свечкi

Источник материала:

Вопыт нашых продкаў неаднаразова даказваў, што свечка, зробленая сваiмi рукамi або набытая ў храме, але асвечаная ў час вялiкiх святаў, атрымлiвала магiчныя здольнасцi i магчымасцi. І сёння даволi шырока распаўсюджаны звычай прыносiць дадому свечкi, з якiмi стаялi ў час набажэнства ў днi вялiкiх хрысцiянскiх святаў: на Хрышчэнне (19 студзеня) — Богаяўленская свечка, на Стрэчанне (15 лютага) — Грамнiчная свечка, у Чысты Чацвер — Чацвярговая свечка, на Вялiкдзень — Велiкодная свечка. Гэтыя свечкi захоўвалi на працягу года ў чырвоным куце i выкарыстоўвалi ў пэўных рытуальных дзеяннях. У народзе верылi, што кожная з iх валодае асаблiвымi цудоўнымi якасцямi.

l Так, Богаяўленскую або Хрышчэнскую i Велiкодную свечкi запальвалi, каб папярэдзiць узнiкненне пажару ў сваёй хаце: у час навальнiцы i ўдараў маланкi, калi недалёка быў пажар i г.д.

l Богаяўленскую свечку, як i вянчальную, запальвалi ў час цяжкiх родаў.

l Часам Грамнiчную свечку ставiлi каля варот, каб нiякi злодзей не здолеў "загаварыць сялянскую гаспадарку".

l Грамнiчнай свечкай "замыкалi", г.зн. абыходзiлi па сонцы, карову, каб засцерагчы кармiцельку ад нячыстай сiлы.

l Чацвярговая свечка (асвечаная ў храме ў дзень Вялiкага Чацвярга перад Вялiкаднем), па меркаваннях нашых продкаў, валодала ачышчальнай функцыяй, здольнасцю адганяць нячыстую сiлу. Такую свечку выкарыстоўвалi знахары пры лячэннi захворванняў скуры i лiхаманкi.

l Пчаляры таксама выкарыстоўвалi Чацвярговую свечку. Лiчылася, што на працягу года гэта свечка будзе засцерагаць пчальнiк ад сурокаў, а восенню забяспечыць выдатны збор мёду.

Велiкодная свецка, як вынiк значнасцi самога свята, надзялялася звышнатуральнай сiлай. Толькi з яе дапамогай можна было паправiць "сурочаную" хату, пазбавiцца ад цяжкiх захворванняў.

l Каб выйсцi замуж, дзяўчына iмкнулася як мага раней прыйсцi ў храм у дзень Пакроваў (14 кастрычнiка) i першай паставiць свечку перад iконай Багародзiцы.

l Царкоўную свечку нельга тушыць ротам (у асяродку нашых продкаў iснавала строгая забарона пляваць на полымя) — яе неабходна акуратна затушыць рукамi.

l Абгаркi свечак, якiя застаюцца дома, нельга выкiдаць, як звычайнае смецце. Iх трэба сабраць, а затым аднесцi ў храм i пакласцi туды, дзе збiраюць недапаленыя свечкi.