Вадзіцеляў мапедаў, скутараў i iх пасажыраў у Беларусi з 1 студзеня абавяжуць надзяваць моташлемы

Источник материала:

У Беларусi з 1 студзеня 2009 года ўводзiцца абавязак вадзiцеляў мапедаў, скутараў i iх пасажыраў удзельнiчаць у дарожным руху толькi ў моташлемах. Адпаведны ўказ № 663 "Аб некаторых пытаннях удзелу ў дарожным руху транспартных сродкаў (шасi транспартных сродкаў)" кiраўнiк дзяржавы Аляксандр Лукашэнка падпiсаў 4 снежня. Такое рашэнне прынята ў сувязi са значным павелiчэннем колькасцi дарожна-транспартных здарэнняў з удзелам мапедаў i скутараў i ў мэтах мiнiмiзацыi iх негатыўных вынiкаў.

Дакументам таксама ўстанаўлiваюцца адзiныя патрабаваннi да афармлення i выдачы заводамi-вытворцамi пашпартоў транспартных сродкаў i iх шасi, а таксама прадугледжваецца выдача на iх рэгiстрацыйных знакаў для транспартных сродкаў, часова дапушчаных да ўдзелу ў дарожным руху. Адзiная форма пашпартоў транспартных сродкаў i iх шасi, выдаваемых заводамi-вытворцамi, будзе зацвярджацца Мiнiстэрствам унутраных спраў сумесна з Мiнiстэрствам прамысловасцi. Пры гэтым у выпадку самастойнага ўдзелу ў дарожным руху шасi транспартных сродкаў прадугледжаны абавязковае страхаванне грамадзянскай адказнасцi iх уладальнiкаў, а таксама адмiнiстрацыйная i крымiнальная адказнасць на ўзроўнi, устаноўленым для вадзiцеляў транспартных сродкаў.