Фотафакт. Беларусы на свяце Валэнсы

Источник материала:

У Гданьску працягваюцца ўрачыстасці з нагоды 25-й гадавіны атрымання Лехам Валэнсам Нобелеўскай прэміі міру.

На запрашэнне лідэра "Салідарнасці" на свята прыехалі прэзідэнт Еўрапейскай Камісіі Жозэ Мануэль Барозу, прэзідэнт Францыі Нікаля Сарказі, духоўны лідэр тыбецкага народу, лаўрэат Нобелеўскай прэміі міру Далай-лама, прэм’ер‑міністр Польшчы Дональд Туск і іншыя вядомыя палітыкі Еўропы і свету.

Ад Беларусі ў канферэнцыі "Салідарнасць для будучыні", што прайшла ў межах урачыстасцяў, узялі ўдзел лаўрэат прэміі А.Сахарава Аляксандр Мілінкевіч, першы кіраўнік беларускай дзяржавы Станіслаў Шушкевіч і група моладзі.

Фота Юліі Дарашкевіч.

Валэнса выглядаў як сапраўдны юбіляр, віншаванні былі вельмі цёплымі. Злева - Жазэ Мануэль Барозу, прэзідэнт Еўрапейскай Камісіі.

Польскі Прэм'ер Дональд Туск (у цэнтры).

Далай-ламу віталі стоячы.

У перапынках Валэнсу атачалі натоўпы прыхільнікаў - бралі аўтографы, фатаграфаваліся на памяць.

Беларускія актывісты распавялі Валэнсу пра заўтрашні суд над палітвязнем Баразенкам.

А Аляксандр Мілінкевіч паспеў паразмаўляць з міністрам замежных справаў Польшчы Радаславам Сікорскім.

Нобелеўскія лаўрэаты.

Але найбольшы фурор зрабіў прыезд французскага прэзыдэнта Нікаля Сарказі.

Журналісты не давалі яму спакою.