У аварыi загiнулi няпоўнагадовыя

Источник материала:

За мiнулыя выхадныя на дарогах краiны ў дарожна-транспартных здарэннях загiнулi сямёра, а яшчэ 37 чалавек атрымалi траўмы, паведамiлi карэспандэнту "Звязды" ва ўпраўленнi iнфармацыi i грамадскiх сувязяў МУС. У адным са здарэнняў загiнулi i пацярпелi непоўнагадовыя.

На жаль, канстатуюць у ДАІ, сталi нярэдкiмi выпадкi, калi за руль аўтамабiля садзiцца моладзь, якая не мае вадзiцельскага пасведчання. На мiнулыя выхадныя паблiзу вёскi Храпкава Хойнiцкага раёна зафiксаваны менавiта такi выпадак. Тут каля а паловы дванаццатай ночы 15-гадовы хлопец, кiруючы аўтамабiлем "Рэно", з’ехаў у кювет, дзе машына перакулiлася. У вынiку вадзiцель i яго аднагодка загiнулi, а яшчэ два пасажыры — 15-гадовы i 16-гадовы — былi змешчаны ў бальнiцу.

Як падкрэслiваюць у дзяржаўтаiнспекцыi, практыка паказвае, што няпоўнагадовыя вадзiцелi неапраўдана рызыкуюць на дарозе. Таму бацькам, якiя часам маўклiва аддаюць ключы ад аўто сваiм дзецям, лепш устрымацца ад падобнага неабачлiвага кроку. Да таго ж, трэба заўважыць, што кiраванне транспартным сродкам асобай, якая не мае права кiравання iм, а таксама перадача кiравання асобе, якая не мае вадзiцельскага пасведчання, цягне за сабой адмiнiстрацыйную адказнасць у выглядзе штрафу ў памеры ад 175 тысяч да 700 тысяч рублёў.

За праведзены рамонт жыхарка Баранавiчаў разлiчылася доларамi. Жанчына, якая атрымала iх, пайшла абмяняць на рублi. Тут i высветлiлася, што долары фальшывыя.

Мiлiцыя выйшла на жанчыну, якая аплацiла рамонт, i знайшла ў яе яшчэ 21 фальшывую купюру па 100 долараў.

Паблiзу вёскi Купёлы 26-гадовы вадзiцель аўтамабiля ВАЗ не справiўся з кiраваннем, выехаў на сустрэчную паласу i сутыкнуўся з "Аўдзi". Удар быў не вельмi моцны: 23-гадовы жыхар Бабруйска, якi кiраваў "Аўдзi", i пасажыры не пацярпелi. Затое "Жыгулi" шостай мадэлi практычна не падлягаюць аднаўленню, а вадзiцель i 29-гадовы пасажыр шпiталiзаваны з цялеснымi пашкоджаннямi ў цяжкiм стане.

У салоне знаходзiлiся другi вадзiцель i 16 пасажыраў. У вынiку аварыi дзве жанчыны, 40 i 44 гадоў, ад атрыманых траўмаў загiнулi на месцы. А вадзiцель i 8 пасажыраў (усе яны жыхары Магiлёва i Бабруйска) з цялеснымi пашкоджаннямi рознай ступенi цяжкасцi шпiталiзаваныя ў бальнiцу горада Гагарын Смаленскай вобласцi.

У гардэробе аднаго баранавiцкага прадпрыемства знайшлi труп мужчыны, у якога была разбiтая галава.

Было ўстаноўлена, што нябожчыка па твары ўдарыў п’яны. Мужчына ўпаў i стукнуўся патылiцай аб падлогу. Пракуратура праводзiць праверку.

14 гадоў таму ён, самавольна пакiнуўшы размяшчэнне вайсковай часцi, у гродзенскiм лясным масiве Пышкi згвалцiў няпоўнагадовую дзяўчыну i забраў ў яе залатыя завушнiцы. Аднак па "гарачых слядах" гвалтаўнiка не выявiлi, ён быў асуджаны толькi за дэзерцiрства, захоўванне зброi i крадзеж. Але, як кажуць, колькi вяровачцы нi вiцца... Прыгавор суда Ленiнскага раёна г. Гродна — 13 гадоў пазбаўлення волi.

На складзе па вул. Лермантава, што ў Баранавiчах, аператыўнiкi знайшлi 1700 кiлаграмаў рыбы. Дакументы на прадукцыю ў iндывiдуальнай прадпрымальнiцы адсутнiчалi.

Як вядома, Жлобiнскi раён у час Вялiкай Айчыннай вайны, як i наогул уся Гомельшчына, быў арэнай вялiкiх ваенных дзеянняў. Нават да сённяшняга дня тутэйшая зямля захоўвае нямала ўзбраення, якое не-не ды i выяўляецца. Месца гэтым небяспечным рэчам — адно: вывезцi ў поле i знiшчыць.

Так было i на гэты раз, калi супрацоўнiкi Галоўнага ўпраўлення па барацьбе з арганiзаванай злачыннасцю i вайсковай часцi 5525 удалечынi ад населеных пунктаў Жлобiнскага раёна ўзарвалi 45 мiнамётных мiн, 8 гранат Ф-1 i 3 процiтанкавыя гранаты РПГ-40, 10 нямецкiх гранат GG-Р-40, 2 артылерыйскiя снарады калiбру 75 мм, 15 артылерыйскiх узрывальнiкаў, адну процiтанкавую чатырохсотграмовую шашку i 12 ручных гранат РГВ. Вось гэта быў выбух!

У суботу вечарам малады чалавек прыйшоў у аўтапарк да сваiх знаёмых i затрымаўся там да паловы другой ночы. А на развiтанне, будучы нападпiтку, захацеў пакатацца на маршрутным аўтобусе МАЗ, якi знаходзiўся на стаянцы з адчыненымi дзвярыма i ключом у замку запальвання. У вынiку былi пашкоджаны не толькi гэты транспартны сродак, але i прыпаркаваны аўтобус "Радзiмiч", а таксама смеццевыя бакi. Ахоўнiкi аўтапарка выклiкалi мiлiцыю. Узбуджана крымiнальная справа.

Супрацоўнiкi Драгiчынскага РАУС сумесна з памежнiкамi ў лесе каля в. Сварынь знайшлi 39 мяхоў з трыкатажнымi вырабамi.

Цяпер высвятляюць, хто прыхаваў тавар на 90 мiльёнаў рублёў.

Дзяржiнспектары пайшлi па слядах двух чалавек i знайшлi тушу дзiка. Каля яе была арганiзавана засада. Калi да тушы падышоў чалавек i пачаў яе разбiраць, грамадзянiна, як высветлiлася, непрацуючага, затрымалi. Зброi ў яго не было. Цяпер устанаўлiваецца асоба другога паляўнiчага, якому належаў аўтамабiль, i якi, як мяркуецца, здабыў дзiка.

Каля в. Бабровiчы Iвацэвiцкага раёна валiлi лес. У час работы на 73-гадовага пенсiянера з в. Выганiшчы звалiлася галiна i цяжка траўмавала чалавека. Ён памёр па дарозе ў бальнiцу.

З дома па вул. Мелiярацыйнай у Драгiчыне нехта праз акно выкраў 3 коўдры, пакрывала, куртку....

Падчас разбору аператыўнiкi выйшлi на лiцэiста з в. Нагор’е i беспрацоўнага з в. Перкавiчы, якiх i затрымалi.