Вада дзірачку знойдзе..?

Источник материала:

Тэлефануе мая сяброўка, якая працуе доктарам у бальнiцы. "Уяўляеш, гаворыць, нас правяраюць. Калi прыходзiм-сыходзiм з работы, цi не спазняемся з абедзеннага перапынку..." У той жа вечар аналагiчныя размовы адбылiся са знаёмымi, якiя працуюць у выканкаме, унiверсiтэце, на тэлефоннай станцыi... Народ насамрэч перапалохаўся i будзе заўсёды хадзiць на працу без спазнення?

Мэта кантралюючых зразумелая i нiхто не адважыцца яе аспрэчваць. Дысцыплiна павiнна быць у любым калектыве. Аднак, я памятаю татальныя аблавы ў магазiнах i кiнатэатрах, якiя праводзiлiся ў 80-х, пры Андропаве. Тыя акцыi крыху напужалi звычайнае насельнiцтва, але ж цi выхавалi дысцыплiну? Тым часам размова, здаецца, iдзе не аб дысцыплiне дзеля дысцыплiны, а аб марнатраўстве рабочага часу.

l Першы назвалi, бадай, усе: разгадваць красворды, сканворды, судоку. Варыянт — чытаць газеты: анекдоты, рэцэпты, гараскопы, зводкi надвор’я, парады па пахудзенні... I ў мяне быў знаёмы кiраўнiк, якога я бачыла толькi за чытаннем свежай прэсы — на апошняй старонцы.

l Рэкламныя часопiсы. Нiхто не ведае, адкуль яны з’яўляюцца на сталах, пасля чаго на гадзiну забываюцца нават тэрмiновыя фiнансавыя справаздачы. Жанчыны не толькi абмяркуюць суадносiны цаны i паху, iм не лянотна будзе прабегчыся па ўсiх сямi паверхах, каб расказаць знаёмым, што менавiта цяпер дзейнiчаюць суперскiдкi на крэм супраць маршчын. Студэнткi на занятках уяўляюць сябе ў якасцi мадэляў, а на перапынках паспяхова распаўсюджваюць нятанную прадукцыю касметычных фiрмаў сярод тых, каму не хапае грошай на пiражок.

l Пайшоў на тэрыторыю (на аб’ект). Звычайна такую фармулёўку можна пачуць ад сакратарак кiраўнiкоў прадпрыемстваў — буйных i не вельмi. Дзе знаходзiцца тая тэрыторыя — на Паўднёвым цi Паўночным полюсе, не даведацца, пры наяўнасцi добрай памочнiцы, нiкому i нiколi. Ну а мабiльны тэлефон можна выпадкова забыць у кабiнеце, у яго можа сесцi батарэя i гэтак далей... Па маiх назiраннях, "на тэрыторыю" кiраўнiкi сыходзяць заўсёды ў другой палове пятнiцы i вяртаюцца адтуль толькi ў панядзелак.

l Цыгарэта. Здаецца, гэта не толькi спосаб стратэгiчна пашкодзiць бясцэннае здароўе, адпачыць i перавесцi дух на працы (нездарма ж узнiк выраз — "перакур"), але ж i магчымасць у дэталях абсмактаць усе плёткi. Калi ты выпадкова трапляеш у такую кампанiю, асаблiва востра адчуваеш, як шмат гаворкi пра тое, пра што ўвогуле не трэба было б гутарыць — нiколi...

l Кубачак кавы. Вiдаць, справа не ў каве, а ў яе колькасцi. Кубачкаў за працоўны дзень рэальна можа быць куды больш, чым дзесяць! У перапынках памiж кавай можна мераць цiск i здзiўляцца, што высокi. А потым зноў прайсцiся па кабiнетах, сумяшчаючы цудоўны напой з перамываннем костачак калегам. А чаму не — вадзiчка дзiрачку знойдзе, — адказваюць сябры.

l Камп’ютар сябар, камп’ютар вораг. Любiмы занятак для ламераў (тых, хто крыху адрознiвае сiстэмны блок ад манiтора) — раскладваць пасьянсы на камп’ютарным стале. Што датычыцца геймераў (гэта прыхiльнiкi куды больш складаных гульняў), у многiх арганiзацыях i прыватных фiрмах сiстэмныя адмiнiстратары час ад часу праводзяць "чыстку" разумных машын, якiя супрацоўнiкi захламлiваюць з зайздроснай упартасцю. Агульнавядомыя сайты, што дапамагаюць знайсцi даўнiх знаёмых i на доўгi час выключаюць з рэальнага свету вельмi многiх. Прынамсi, церпяць i ад аматараў порна- клубнiцаў. Сiсадмiны нарэшце сталi блакаваць выхад на вiртуальныя спатканнi з колiшнiмi i новымi сябрамi. Усiм, акрамя выбраных... Тым часам простыя смяротныя амаль незаўважна для калег на форумах абмяркоўваюць дзейнасць палiтыкаў, у блогах каментуюць артыкулы, перапiсваюцца ў "асьцы" i гэтак далей па меры ўдасканалення тэхналогiй...

Больш чым паўстагоддзя таму нарадзiўся цэлы навуковы накiрунак, заклiканы дапамагчы нам арганiзаваць сябе. Вывучэнне законаў моднага сёння тайм-менеджменту нагадвае сiтуацыю з пахудзеннем. Як з вагой, з часам можна змагацца ў тэорыi. Але на практыцы праблема яе недахопу, як i лiшнiя кiлаграмы, застануцца.