Махлярства на мiльёны еўра

Источник материала:

Прайдзiсветы спрабавалi завалодаць грашыма замежнага iнвестара

Як паведамiлi карэспандэнту "Звязды" ва ўпраўленнi iнфармацыi i грамадскiх сувязяў МУС, iншаземец яшчэ ў кастрычнiку звярнуўся па дапамогу да беларускiх праваахоўнiкаў: ён iнвеставаў у будаўнiцтва найбуйнейшага бiзнэс-цэнтра ў Мiнску 5 мiльёнаў еўра, аднак у заяўнiка ўзнiклi падазрэннi наконт прыстойнасцi яго партнёраў. Акрамя таго, бiзнэсмен выказаў меркаванне, што ўкладзеныя iм грошы, магчыма, былi выкрадзеныя.

Узяўшыся за расследаванне гэтай справы, супрацоўнiкi мiнiстэрства ўпэўнiлiся, што падазрэннi iнвестара маюць пад сабой глебу: згаданыя iм асобы сапраўды прысвоiлi сабе грошы iншаземца. Зразумела, што гэта сцiпла замоўчвалi. Болей за тое, махляры гарантавалi свайму "падапечнаму" i далейшую паспяховую работу ў нашай краiне пры ўмове перадачы iм яшчэ трох мiльёнаў еўра. Каб завалодаць гэтымi грашыма, зламыснiкi падрыхтавалi пакет несапраўдных дакументаў для юрыдычнага кантролю бiзнэсмена за праектам у Мiнску.

Узялi хiтруноў з доказамi вiны — пры атрыманнi запатрабаваных мiльёнаў: Генеральная пракуратура санкцыянавала правядзенне аператыўнага эксперыменту супрацоўнiкамi цэнтральнага апарату МУС, у ходзе якога зламыснiкаў i затрымалi. Па гэтай справе вядзецца далейшае расследаванне.

Паводле звестак аддзялення iнфармацыi i грамадскiх сувязяў ГУУС Мiнгарвыканкама, затрыманая пражывала ў пасёлку Паўночны Заводскага раёна. Яна, па папярэдняй iнфармацыi, здымала ў сталiцы кватэры, дзе арганiзоўвала захоўванне i збыт наркотыкаў. Закупачны кошт 1 грама складаў 40 тысяч рублёў, а рэалiзоўваўся дурман па 60 тысяч рублёў. На кватэры, якую здымала жанчына, канфiскавана 92 грамы гераiну — каля 2000 доз. Мiж iншым, раней затрыманая мела ўжо стасункi з законам — яе судзiлi за махлярства. На гэты раз ёй пагражае больш суровае пакаранне: максiмальны тэрмiн за незаконнае захоўванне i збыт наркатычных сродкаў — 8 гадоў пазбаўлення волi з канфiскацыяй маёмасцi. Зараз праваахоўнiкi высвятляюць канал пастаўкi наркотыку.