Беларусь падрыхтавала прапановы па паглыбленні інтэграцыi ў ЕўрАзЭС

Источник материала:

Рэспублiка Беларусь, прыняўшы ў кастрычнiку гэтага года старшынства ў ЕўрАзЭС, падрыхтавала шэраг iнiцыятыўных прапаноў, накiраваных на паглыбленне iнтэграцыйных працэсаў у Супольнiцтве. Аб гэтым заявiў прэм’ер-мiнiстр Беларусi Сяргей Сiдорскi ў Маскве на адкрыццi пасяджэння Мiждзяржсавета ЕўрАзЭС на ўзроўнi кiраўнiкоў урадаў.

Сяргей Сiдорскi паведамiў, што Прэзiдэнт Беларусi Аляксандр Лукашэнка накiраваў зварот кiраўнiкам дзяржаў — членаў ЕўрАзЭС, копii якога раздадзены ўдзельнiкам пасяджэння. У звароце кiраўнiк беларускай дзяржавы вызначае прыярытэты старшынства Беларусi ў ЕўрАзЭС. У iх лiку — завяршэнне фармiравання Мытнага саюза, iнтэнсiфiкацыя супрацоўнiцтва ў галiне энергетыкi i транспарту, рэалiзацыя мiждзяржаўных мэтавых праграм, а таксама павышэнне ролi ЕўрАзЭС у свеце. Сяргей Сiдорскi звярнуўся да ўдзельнiкаў пасяджэння з просьбай падтрымаць прапановы, вылучаныя ў звароце Прэзiдэнта Беларусi.

Краiны ЕўрАзЭС распрацуюць план сумесных дзеянняў па пераадоленнi наступстваў сусветнага фiнансавага крызiсу. Як паведамiў па вынiках праведзенага ў Маскве пасяджэння Мiждзяржсавета ЕўрАзЭС прэм’ер-мiнiстр Беларусi Сяргей Сiдорскi, такая дамоўленасць дасягнута кiраўнiкамi ўрадаў краiн Супольнiцтва. Гэты план плануецца распрацаваць у блiжэйшы час. Паводле слоў беларускага прэм’ер-мiнiстра, пытанне аб сумесных дзеяннях па пераадоленнi наступстваў сусветнага фiнансавага крызiсу ў дзяржавах — членах ЕўрАзЭС было цэнтральным у парадку дня пасяджэння Мiждзяржсавета.