Канцэпцыя будаўніцтва i развiцця Узброеных Сiлаў да 2020 года i новы План абароны зацверджаны ў Бела

Источник материала:

Адкрываючы пасяджэнне, Аляксандр Лукашэнка акцэнтаваў увагу на iстотным змяненнi за мiнулыя гады як знешняй сiтуацыi, так i ўнутраных ўмоў, якiя ўплываюць на абарону дзяржавы. Пэўную трансфармацыю зведалi метады i формы сучаснай вайны.

Сярод знешнiх умоў галоўным з’явiлася змяненне ваенна-палiтычнай i стратэгiчнай абстаноўкi ў Еўропе i свеце. "Мiжнароднае права ўжо не можа абаранiць суверэнiтэт i тэрытарыяльную цэласнасць дзяржавы, якая не мае дастатковай сiлы для адбiцця магчымай агрэсii. А вайна, на жаль, сакрэтна прызнаецца некаторымi дзяржавамi прымальным iнструментам iх знешняй палiтыкi", — сказаў Прэзiдэнт.

На яго думку, у гэтых далёка не простых умовах неабходна праводзiць паслядоўную палiтыку, накiраваную на ўмацаванне аўтарытэту краiны на мiжнароднай арэне. Менавiта таму неабходна звярнуць увагу, з аднаго боку, на якаснае ўмацаванне Узброеных Сiлаў рэспублiкi, а з другога — на больш актыўную абарону мiралюбiвых пазiцый i вылучэнне канструктыўных iнiцыятыў.

Аляксандр Лукашэнка падкрэслiў, што Беларусь выступае за будаўнiцтва новай архiтэктуры еўрапейскай бяспекi, якая ўлiчвае iнтарэсы дзяржавы. Беларусь таксама захоўвае адданасць мэтам i iдэям усеагульнага ядзернага раззбраення, нераспаўсюджвання зброi масавага знiшчэння i адпаведных тэхналогiй. Краiна пашырае ўдзел у дзейнасцi мiжнародных i рэгiянальных арганiзацый у галiне мiжнароднай бяспекi i кантролю над узбраеннямi.

Гаворачы аб унутраных умовах, Аляксандр Лукашэнка адзначыў, што ўстойлiвае развiццё эканомiкi i сацыяльна-палiтычная стабiльнасць у грамадстве даюць магчымасць Беларусi забяспечыць высокi ўзровень абараназдольнасцi i абарону суверэнiтэту. Важнейшы напрамак умацавання нацыянальнай бяспекi — удзел краiны ў мiжнародных сiстэмах бяспекi: Арганiзацыi Дагавора аб калектыўнай бяспецы, а таксама ў стварэннi адзiнай абароннай прасторы з Расiйскай Федэрацыяй.

Шляхi, спосабы i паслядоўнасць вырашэння задач абароны краiны адлюстраваны ў новым Плане абароны, дадаў кiраўнiк дзяржавы.

"Якiм будзе аблiчча нашай армii праз 10-12 гадоў, трэба думаць ужо сёння. Працэс перспектыўнага будаўнiцтва i развiцця Узброеных Сiлаў павiнен быць дакладна вывераны, пралiчаны i спланаваны", — падкрэслiў Аляксандр Лукашэнка.

Ён адзначыў, што сёння на абарону дзяржавы, абарону незалежнасцi, грошы шкадаваць не будуць, але кожны рубель i кожны напрамак дзеянняў павiнен быць дакладна пралiчаны. "Зыходзiць трэба з таго, што нiхто маштабна весцi вайну ў Беларусi не будзе. І калi ўжо рыхтаваць нашу армiю, то неабходна паспрабаваць зазiрнуць у будучае i вызначыць, якi характар будзе мець агрэсiя. Трэба працаваць на недапушчэнне таго, каб наша краiна была падвергнута агрэсii або яе пагрозе", — рэзюмаваў Прэзiдэнт.