Аляксандр Лукашэнка: Беларусь з годнасцю вытрымае выпрабаванні i выклiкi цяперашняга трывожнага час

Источник материала:

Прэзiдэнт Рэспублiкi Беларусь Аляксандр Лукашэнка 7 студзеня па iснуючай традыцыi прыняў удзел у Калядным богаслужэннi ў Свята-Духавым кафедральным саборы ў Мiнску.

Выступаючы на богаслужэннi, Аляксандр Лукашэнка падкрэслiў, што свята Ражджаства Хрыстовага нясе святло вялiкай веры i накiроўвае людзей да спрадвечных духоўных каштоўнасцяў гуманiзму i маральнай чысцiнi.

"Гэта свята мы сустракаем з надзеяй на тое, што народ Беларусi, як i раней, абмiнуць беды i ўзрушэннi, што мы з гонарам i годнасцю вытрымаем усе выпрабаваннi i новыя выклiкi цяперашняга трывожнага часу", — сказаў Прэзiдэнт.

Мiнулы год быў адзначаны важнымi падзеямi ў духоўным жыццi беларускага народа. Праваслаўны свет шырока адзначаў 1020-годдзе Хрышчэння Русi. "Урачыстасцi, што прайшлi ў розных краiнах, яшчэ раз паказалi, наколькi важныя адзiнства i згода нашай царквы i нашага народа, — адзначыў Аляксандр Лукашэнка. — Нам вельмi пашанцавала, што ў гэтыя гiстарычныя днi з намi быў Свяцейшы Патрыярх Маскоўскi i ўсяе Русi Аляксiй ІI. На вялiкi жаль, яго сустрэча з беларускiм народам была апошняй. Ад нас пайшоў сапраўдны сябар i настаўнiк, якi шчыра любiў нашу краiну, выдатны пастыр, якi са шчырай дабрынёй ставiўся да Беларусi, суперажываў нашым праблемам, радаваўся поспехам. Няхай развiтальнае благаславенне Патрыярха паслужыць нам надзейнай духоўнай апорай у сучасным свеце, дзе яшчэ нярэдка бяруцца пад сумненне або, што яшчэ горш, абсмейваюцца традыцыйныя маральныя каштоўнасцi".

Праваслаўная царква спакон веку гаворыць пра маральны абавязак чалавека, заклiкаючы да брацкай любовi i ўзаемапавагi, процiстаiць людскому недаверу, абыякавасцi i нiгiлiзму. "Дык давайце ж думаць i дзейнiчаць так, як вучаць нас хрысцiянскiя каштоўнасцi", — заклiкаў Прэзiдэнт.

Кiраўнiк дзяржавы падкрэслiў, што ў Беларусi многае робiцца для таго, каб наша дзяржава квiтнела. Гэты год аб’яўлены ў рэспублiцы Годам роднай зямлi, i "мы павiнны ўзмацнiць свае дзеяннi для таго, каб яшчэ больш прыгожай зрабiць нашу Беларусь i пераўтварыць нашу зямлю". Паводле слоў Прэзiдэнта, гэта толькi пачатак вялiкага шляху. "А ў канцы яго мы, наша пакаленне, павiнны завяршыць гэту мiсiю i перадаць гэты цудоўны куток планеты нашым дзецям, каб яны тут маглi спакойна жыць, зарабляць, каб утрымлiваць сям’ю, i галоўнае, радавацца сваёй зямлi. Наша зямля павiнна быць самай прыгожай на планеце. Бог нам для гэтага зрабiў усё, толькi нам цяпер трэба прыкласцi намаганнi, каб гэта падтрымлiваць i развiваць", — сказаў Аляксандр Лукашэнка.

Царква заўсёды была побач з народам. "Яна была i ёсць неад’емная частка ўсяго грамадства. Няма той праблемы, да якой бы царква не прычынялася", — адзначыў Прэзiдэнт. Ён падзякаваў кiраўнiцтву i прадстаўнiкам Царквы за тую вялiкую мiсiю, якую яны нясуць у дзяржаве, прасвятляючы, духоўна адраджаючы тыя каштоўнасцi, якiя былi моцна прызабыты апошнiм часам.

Аляксандр Лукашэнка канстатаваў, што сёння вельмi шмат гаворыцца аб праблемах i цяжкасцях. "Так, я адкрыта i сумленна сказаў яшчэ ў мiнулым годзе, што гэты год будзе няпросты. Але калi мы яго дастойна пераадолеем, мы будзем значна больш моцныя, чым цяпер. I мы робiм усё для таго, каб негатыўныя тэндэнцыi, якiя, на жаль, прадаўжаюць развiвацца ў свеце, спароджаныя не на нашай зямлi, як мага хутчэй мiнулi, не закрануўшы нашых людзей, нашага народа. Мы многае зрабiлi (я маю на ўвазе кiраўнiцтва краiны, улады), i цяпер усё залежыць ад людзей, ад народа. Мы не будзем вам хлусiць, i я перш за ўсё. Мы будзем гаварыць i горкую праўду, нават калi яна горкая, будзем яе гаварыць. Мы будзем вас прасiць зрабiць так, а не iнакш. Калi ласка, зрабiце так, як я вас буду прасiць. Калi нас будуць чакаць нейкiя складаныя часы, мы таксама вам аб гэтым скажам. Але пакуль сiтуацыя складваецца так, што панiкi быць не павiнна. Нават нягледзячы на тое, што ўвесь свет фактычна спынiўся, сёння нават японскае аўтамабiлебудаванне спынiлася, нам удаецца яшчэ неяк трымацца — тую палавiну года, пачатак гэтага года. Кожны чалавек павiнен думаць пра сябе, пра сваю сям’ю, гэта перш за ўсё, гэта галоўны клопат. Але гэта ж не так шмат, так было заўсёды. Усё астатняе павiнна вырашаць кiраўнiцтва прадпрыемстваў, раёнаў, гарадоў, урад. На гэта я арыентую нашы ўлады. Я думаю, што ў гэтыя складаныя часы Царква падставiць сваё плячо, будзе побач i будзе адкрыта i сумленна падказваць або паказваць на тыя памылкi, якiя, магчыма, дапускаюцца ў нашым грамадстве", — сказаў Аляксандр Лукашэнка.

Пры гэтым Прэзiдэнт падкрэслiў: "Перабольшваць тое, аб чым я гавару, нельга, нi ў якiм разе. Але яшчэ горш будзе, калi мы не будзем звяртаць увагу на гэта. Няхай лепш мы будзем настройвацца на горшы варыянт, а лепшы — ён заўсёды будзе лепшым. Таму я хачу ў пачатку гэтага года ў светлае свята Раджаства Хрыстовага пажадаць вам стойкасцi. Я думаю, што Бог не пакiне i на гэты раз нашу краiну, нашу дзяржаву, нашых людзей. Прынамсi, апошнiя гады навейшай гiсторыi ён заўсёды нас падтрымлiваў, i мы з гонарам выходзiлi з усiх цяжкiх момантаў, якiя прыходзiлi да нас на нашу зямлю".

"Мы поўныя рашучасцi зрабiць нашу зямлю, наш агульны дом яшчэ больш прыгожым", — сказаў кiраўнiк дзяржавы. "Як бачыце, мы не адмяняем нiякiх праграм, мы будзем дзейнiчаць напружана i нi ў якiм разе не павiнны апусцiць рукi, як гэта робiцца ў iншых дзяржавах, спасылаючыся на нейкi крызiс. Крызiсу ў краiне няма. Усё залежыць ад нас. I мы зробiм усё для таго, каб мы былi моцнымi i багатымi, — адзначыў Аляксандр Лукашэнка. — I няхай гэты i наступныя гады прынясуць у вашы сем’i толькi мiр i шчасце. Дык няхай беражэ Бог Беларусь, наш народ ад усялякага зла".

Прэзiдэнт перадаў у дар Беларускай праваслаўнай царкве iкону Божай Мацi "Вастрабрамская".