...

Источник материала:

За шматгадовую плённую працу, дасягненне высокіх вытворчых паказчыкаў, прафесійнае майстэрства, значны ўклад у развіццё паліўна-энергетычнага комплексу, заслугі ў развіцці адукацыі, аховы здароўя, культуры Прэзідэнт Беларусі Аляксандр Лукашэнка сваім указам узнагародзіў 51 грамадзяніна краіны.

Ордэна Айчыны ІІ ступені ўдастоены першы намеснік міністра энергетыкі Эдуард Таўпянец і галоўны навуковы супрацоўнік лабараторыі траўматычных пашкоджанняў пазваночніка і спіннога мозга Рэспубліканскага навукова-практычнага цэнтра траўматалогіі і артапедыі Іосіф Варановіч.

Ордэнам Пашаны адзначаны генеральны дырэктар КУП "Брэстаблдарбуд" Пётр Скорабагацька і работнікі Беларускага аўтамабільнага завода Ілья Арцёмаў, Васіль Здановіч і Анатоль Камінскі.

Сярод узнагароджаных медалём "За працоўныя заслугі" дырэктар Слуцкага дзяржаўнага сельскагаспадарчага прафесійнага ліцэя Мікалай Кавальчук, дырэктар ААТ "Брэсцкі камбінат будаўнічых матэрыялаў" Уладзімір Марозаў, кіраўнік групы аддзела палітычных аглядальнікаў агенцтва тэлевізійных навін Нацыянальнай дзяржаўнай тэлерадыёкампаніі Інга Хрушчова і іншыя.

Медаля Францыска Скарыны ўдастоены вядучы майстар сцэны Магілёўскага абласнога драматычнага тэатра Галіна Лабанок, дырэктар санаторыя "Белая Русь" Кіраўніцтва справамі Прэзідэнта Алег Невяркевіч, намеснік начальніка ўпраўлення культуры Мінскага гарвыканкама Анатоль Сабітаў і дырэктар — мастацкі кіраўнік музычнай капэлы "Санорус" Мінскай вобласці Аляксей Шут.

За ўзорнае выкананне службовых абавязкаў Прэзідэнт Беларусі Аляксандр Лукашэнка сваім указам адзначыў дзяржаўнымі ўзнагародамі кіруючы склад Міністэрства абароны. Міністр абароны генерал-палкоўнік Леанід Мальцаў удастоены ордэна Воінскай Славы.

Ордэнам "За службу Радзіме" ІI ступені адзначаны начальнік Генеральнага штаба Узброеных Сілаў — першы намеснік міністра абароны генерал-лейтэнант Сяргей Гурулёў і першы намеснік начальніка Генштаба УС генерал-маёр Пётр Ціханоўскі.

Ордэнам "За службу Радзіме" III ступені ўзнагароджаны камандуючы Ваенна-паветранымі сіламі і войскамі проціпаветранай абароны УС генерал-маёр Ігар Азаронак, намеснік начальніка галоўнага ўпраўлення — начальнік упраўлення маральна-псіхалагічнага забеспячэння галоўнага ўпраўлення ідэалагічнай работы Міністэрства абароны палкоўнік Аляксандр Дуньковіч і начальнік упраўлення радыёэлектроннай барацьбы Генштаба УС палкоўнік Валерый Кучаеў.

Начальнік 4-га ўпраўлення галоўнага аператыўнага ўпраўлення Генштаба Узброеных Сілаў палкоўнік Павел Грэнь і камандзір 308-га асобнага ракетнага дывізіёна 465-й ракетнай брыгады Узброеных Сілаў падпалкоўнік Юрый Лаўрыкаў узнагароджаны медалём "За адзнаку ў воінскай службе".

У адпаведнасці з часткай другой артыкула 91 Канстытуцыі Рэспублікі Беларусь старшыня Віцебскага аблвыканкама Аляксандр Косінец назначаны членам Савета Рэспублікі Нацыянальнага сходу чацвёртага склікання. Указ аб гэтым Аляксандр Лукашэнка падпісаў 5 студзеня.

Прэзідэнт Беларусі Аляксандр Лукашэнка сваім указам устанавіў гранічны памер дэфіцыту рэспубліканскага бюджэту на 2009 год у суме Br0,0 тыс. Такім чынам, сумы даходаў і расходаў рэспубліканскага бюджэту вызначаюцца роўнымі.

Кіраўнік дзяржавы Аляксандр Лукашэнка сваім указам прысвоіў ганаровае званне "Заслужаны артыст Рэспублікі Беларусь" артыстам балета — вядучым майстрам сцэны Нацыянальнага акадэмічнага Вялікага тэатра оперы і балета Беларусі Юліі Дзятко і Канстанціну Кузняцову. Ганаровага звання артысты балета ўдастоены за высокае прафесійнае майстэрства, заслугі ў развіцці беларускага балетнага мастацтва.

Міністру ўнутраных спраў Уладзіміру Навумаву і старшыні Дзяржаўнага камітэта па маёмасці Георгію Кузняцову за непрыняцце належных мераў па забеспячэнні кантролю за выкананнем заканадаўства пры прадастаўленні супрацоўнікам МУС зямельных участкаў у раёне дачнага пасёлка "Крынічны" Міністэрства ўнутраных спраў аб’яўлена вымова. Адпаведны ўказ Прэзідэнт Беларусі Аляксандр Лукашэнка падпісаў 5 студзеня.