Цэны на тавары ўзрасцi не павiнны

Источник материала:

Паводле слоў Уладзiмiра Карагiна, кiраўнiка Мiнскага сталiчнага саюза прадпрымальнiкаў i працадаўцаў, беларускi гандаль пакуль не павышае цэны на тавары. І людзi, разумеючы, што такое становiшча рэчаў часовае, кiнулiся купляць тавары ў магазiнах".

Як расказаў карэспандэнту " Звязды" загадчык секцыi № 1 ЗАТ МС "Радыётэхнiка" Аляксандр Варапай, амаль усе тавары бытавой тэхнiкi, якiя мелiся ў аддзеле магазiна, ужо падыходзяць пад астатак. Ажыятаж на iх пачаўся з самага новага года. Людзi змятаюць усё: тавары i iмпартнай, i айчыннай вытворчасцi.

А ў магазiне "Тэхнiка ў быце" паводле слоў яго дырэктара Зiнаiды Качан, за гэтыя днi выкананы ўжо месяцавы таваразварот. "Запас нашага тавару практычна вычарпаны, — кажа гаворыць Зiнаiда Качан. — Але, баюся, каб попыт гэты не павярнуўся бокам: а то людзi, як глянуць, што сiтуацыя з беларускiм рублём нармалiзуецца, то пачнуць вяртаць тавары. А мы назад iх ужо не прымем".

Як расказаў нам намеснiк начальнiка Галоўнага ўпраўлення спажывецкага рынку Мiнгарвыканкама Iгар Лагойка, сiтуацыя на беларускiх заводах — вытворцах бытавой тэхнiкi ў норме. Пакупнiкам турбавацца не варта. Цэны на тавары застануцца на тым жа ўзроўнi. Выключэнне складуць толькi тыя з iх, у склад якiх уваходзяць замежныя камплектавыя часткi.