Калi грошы нiчога не значаць...

Источник материала:

З новага года камедыя "Любовь-морковь-2" зарабiла больш за 18 мiльёнаў долараў. Ганарар сцэнарыста за гэты фiльм, напэўна, дазваляе адчуваць сябе ўпэўненым у заўтрашнiм днi. Прынамсi, аўтар вырашыў наладзiць сабе неблагi адпачынак. Зiмовыя канiкулы Курэйчык правядзе разам з сям’ёй, але не ў Беларусi, а на Кубе. А можа, заадно ён чакае ад гарачага пейзажу новых эмоцый i падстаў для натхнення. Таму што ён едзе ў тую краiну, дзе працаваў Хэмiнгуэй, збiраецца адчуць водар кубiнскiх цыгар i смак рому. "Пасля жорсткага свету камерцыйнага кiнематографа", як выказаўся Курэйчык, яму хочацца пабыць у раi, дзе грошы нiчога не значаць. Але гэта толькi наша ўяўленне пра Кубу, а як там насамрэч?.. Магчыма, мы даведаемся з якога-небудзь новага твора беларускага аўтара.

...Тры дзевяцiкласнiцы — Каця, Вiка i Жанна — самыя звычайныя дзяўчаткi са спальнага раёна Масквы. У панядзелак яны даведваюцца, што на суботу ў школе прызначана дыскатэка — першая ў новым навучальным годзе. Увесь тыдзень дзяўчаты праводзяць, рыхтуючыся да гэтай падзеi, але доўгачаканы вечар прыносiць мноства неспадзяванак. Кожную з гераiнь напаткае ўдар лёсу — той самы, пасля якога заканчваецца дзяцiнства i пачынаецца дарослае жыццё. Сама рэжысёр так i вызначае галоўную iдэю карцiны: "Гэта фiльм пра сталасць, пра тое, як у адзiн дзень робяцца дарослымi. Галоўная гераiня пакутуе, ёй здаецца, што свет абрынуўся. Але потым яна ўстане, адмыецца, пойдзе ў школу, закончыць яе i знойдзе свой шлях у жыццi. Хтосьцi сталее так, хтосьцi iнакш — але ўсё адно, мне здаецца, праз вопыт асабiстай трагедыi".

Таксама ў студзенi "Канаманiю" — адметны некамерцыйны кiнапраект — працягне новы фiльм Вудзi Алена "Вiкi Крысцiна Барселона" — расповед пра любоўныя прыгоды дзвюх маладых амерыканак, мудрыя i забаўныя развагi на тэму кахання i ўсiх таямнiц гэтага пачуцця... Гэта стужка будзе паказвацца ў Доме кiно з 22 студзеня.