Пасведчанне для СМІ

Источник материала:

Перарэгiстрацыя ўсiх мас-медыя на працягу гэтага года абавязковая i бясплатная

Ён заўважыў, што закон меў шырокi рэзананс у грамадстве. "У нас шмат апанентаў. Мы гатовы да дыскусiй i бачым, што падчас гэтых абмеркаванняў прымаюцца ўзаемапрымальныя рашэннi". У якасцi прыкладу мiнiстр прывёў пытанне аб рэгуляваннi ў сферы iнтэрнэту, па якiм доўга вялiся дыскусii, у прыватнасцi, з еўрапейскiмi партнёрамi. "Аб зданi, якая блукала тут — магчымым рэгуляваннi, рэгiстраваннi — трэба забыць. У пытаннях узаемаадносiнаў з iнтэрнэт — сродкамi масавай iнфармацыi мы будзем кiравацца агульнаеўрапейскiмi нормамi", — рэзюмаваў Уладзiмiр Русакевiч. Лiтаральна ўчора падпiсаная iм пастанова аб парадку перарэгiстрацыi СМI прадугледжвае бясплатнае правядзенне працэдуры. Заснавальнiку дастаткова даслаць па пошце ў Мiнiстэрства iнфармацыi запоўненую анкету, каб на працягу трох дзён атрымаць новае пасведчанне. Нагадаем, што працэдуру давядзецца прайсцi ў абавязковым парадку ўсiм мас-медыя — так прадугледжана ў новым законе.

Ацэньваючы работу ў розных кiрунках галiны, мiнiстр iнфармацыi са шкадаваннем канстатаваў, што выданне беларускамоўнай лiтаратуры ў Беларусi знiжаецца. Так, летась выпушчана 879 найменняў кнiг i брашур трохмiльённым тыражом. Звяртаючыся да калег, Уладзiмiр Русакевiч падкрэслiў: "Наша задача — рабiць усё, каб чыталi лiтаратуру на беларускай мове!". Ён прыгадаў, што iншы раз "трэба пад пугай прымушаць выпускаць каляндар на беларускай мове". "Трэба патрыятызму больш", — дадаў выступоўца.