Вiртуальны кастынг разумнiкаў

Источник материала:

Падобнае пытанне даводзiлася чуць неаднаразова i далёка не толькi ад мiнчан. Папулярнасць гульнi "Адзiн супраць усiх", якая iснуе ў беларускiм эфiры другi сезон, не змяншаецца, як i колькасць ахвотных трапiць у студыю i пазмагацца за галоўны прыз — Br50 мiльёнаў.

Як расказала "Звяздзе" прэс-сакратар тэлеканала АНТ Алiна Праваторава, цяпер адбор з дапамогай СМС сапраўды не вядзецца. Працэдура спрошчаная: ахвотным (грамадзянам РБ ва ўзросце больш як 18 гадоў) трэба зарэгiстравацца на сайце АНТ — www.оnt.bу у раздзеле "Праекты" i прайсцi адборачны тур — правiльна адказаць на 12 пытанняў запар. Сярод iх традыцыйна як вельмi простыя i вiдавочныя (напрыклад, прапановы правiльна закончыць вядомую прыказку), так i больш складаныя пытаннi з розных сфераў. Нават калi адказаць на ўсе не атрымалася адразу, засмучацца рана: у дзень кожнаму даецца 10 спробаў, увогуле ж колькасць iх неабмежаваная. Прычым, адзначым, у адрозненне ад СМС-паведамленняў, адбор праз сайт — бясплатны.

Калi кандыдат у гульцы правiльна адкажа на ўсе 12 пытанняў, яго iмя заносiцца ў базу звестак "Адзiн супраць усiх", а ўжо з яе камп’ютар метадам выпадковых лiчбаў адбiрае 50 удзельнiкаў тэлевiзiйнага запiсу.

Дарэчы, за час iснавання гульнi ў Беларусi галоўны прыз у ёй выйгравалi двойчы.