Нам не страшны ШЭРЫ ВОЎК?

Источник материала:

— Наш калектыў, у якiм 230 чалавек, — расказваюць галоўны iнжынер прадпрыемства Алег Давыдзенка i галоўны эканамiст Нiна Танкевiч, — традыцыйна займаецца вырабам мэблi ў асноўным для гандлёвых арганiзацый сiстэмы Белкаапсаюза. Гэта прылаўкi, стэлажы, так званыя горкi, аўтакрамы, мяхi сеткавыя для затарвання бульбы, фасовачная тара, да якой адносяцца полiэтыленавыя пакеты. Акрамя таго, прадпрыемства ўдзельнiчае ў тэндарах, якiя праводзяць арганiзацыi розных формаў уласнасцi, вынiкам чаго, напрыклад, з’явiлася пастаўка фасовачных пакетаў аб’яднанню "Гомельхлебпрам".

— А з экспартам прадукцыi вы звязаныя?

— Не, — адказваюць Алег Аляксандравiч i Нiна Мiканораўна. — Нашы спажыўцы — 118 раённых спажывецкiх таварыстваў рэспублiкi са сваiмi адасобленымi структурнымi падраздзяленнямi, якiх мы забяспечваем поўным спектрам неабходнай iм прадукцыi. Дзяржзаказы, як вiдаць, мы атрымлiваем ад сiстэмы Белкаапсаюза, якi i дапамагае нам.

Усё гэта добра. За мiнулагоднюю работу калектыў сапраўды заслугоўвае пахвалы. А што ж зараз, калi свае "зубы", вобразна кажучы, паказвае сусветны фiнансавы крызiс? Праграма першага месяца новага 2009 года завершана паспяхова. Цi былi цяжкасцi? Вядома ж, без iх не абышлося, дарэчы, як i летась. І прычына ў тым, што прадпрыемства не толькi займаецца выпускам прадукцыi, але i сур’ёзна ўзялося за тэхнiчнае перааснашчэнне, якое працягваецца i зараз.

Напрыклад, летась была зманцiравана новая фарбавальная лiнiя для палiмерных парашковых фарбаў, закуплены i ўсталяваны дрэваапрацоўчы цэнтр з ЛПК (лiчбавым праграмным кiраваннем) i вакуумны прэс з тым, каб заняцца вытворчасцю мэблевых фасадаў з ДДФ (дробнадысперсных фракцый) для пакрыцця фасадаў плёнкай ПВХ. Гэтымi днямi растаможваецца абсталяванне для металаапрацоўчага цэха, у склад якога ўваходзяць новы лiстазгiнальны прэс з ЛПК, гiльяцiнныя нажнiцы, каардынатна-прабiўны рэвальверны прэс таксама з лiчбавым праграмным кiраваннем.

Клопаты аб тэхнiчным пераўзбраеннi, паводле слоў суразмоўцаў, якраз i з’яўляюцца адной з антыкрызiсных мераў. Бо яно дазволiць працаваць больш гнутка.

На прадпрыемстве не перайшлi на скарочаны рабочы тыдзень цi скарочаныя змены, не звольнiлi нiводнага чалавека. Зарплата выплачваецца своечасова. I кiраўнiкi завода спадзяюцца, што зменаў у гэтым плане ў iх не будзе, бо iстотную дапамогу iм аказвае Белкаапсаюз, ды i ён сам, як гаворыцца, не спiць у шапку. Працуюць усе, каб забяспечыць крамы (а ў названай сiстэме гэтай рэспублiканскай арганiзацыi iх каля 12 тысяч) неабходным гандлёвым абсталяваннем, iншымi таварамi.

— Дык што, як кажуць, вам не страшны "шэры воўк"? У вас поўная стабiльнасць у перспектыве чакаецца?

— Мы гэтага не сказалi. На люты заказы ёсць. Але маюцца i пэўныя моманты, якiя накладаюць свой адбiтак на нашу работу. Гэта недапастаўка сыравiны i асаблiва несвоечасовыя разлiкi партнёраў за нашу прадукцыю. Дэбiторская запазычанасць за яе складае сёння амаль тры месячныя аб’ёмы вытворчасцi. Атрымлiваецца, што мы сур’ёзна крэдытуем асобныя райпа...