Экалагічныя праграмы згортвацца не будуць

Источник материала:

Суразмоўца адзначыў карэспандэнту "Звязды", што ў сувязi з сусветным фiнансавым крызiсам прадугледжваецца толькi аптымiзацыя пэўных другарадных прыродаахоўных праграм, па якiх будзе ўдакладняцца аб’ём iх бюджэтнага фiнансавання i канчатковыя тэрмiны выканання.

Лакальны манiторынг навакольнага асяроддзя па паветры цяпер ажыццяўляецца больш як 500 прыродакарыстальнiкамi. Інфармацыя манiторынгу сведчыць пра тое, што састаў атмасфернага паветра ў Бабруйску, Гродне, Мазыры, Навагрудку, Наваполацку, Полацку, Салiгорску i ў большасцi падкантрольных раёнаў Мiнска, Вiцебска i Гомеля ацэньваецца як стабiльна добры. У параўнаннi з мiнулым годам летась колькасць "праблемных" раёнаў у буйных прамысловых цэнтрах краiны (Мiнску, Магiлёве, Вiцебску) паменшылася на 30 працэнтаў.

Па лiнii рацыянальнага выкарыстання айчынных нетраў сёлета запланавана пракруцiць каля 100 разведвальных свiдравiн у Брэсцкай вобласцi на Арэхаўскiм радовiшчы фасфарытаў, паведамiў на калегii кiраўнiк Мiнпрыроды Лявонцiй Харужык. Цяпер сыравiну для вырабу мiнеральных фосфарных угнаенняў наша краiна iмпартуе. З улiкам разведаных запасаў на Мсцiслаўскiм i Лабковiцкiм радовiшчах агульныя прагнозныя рэсурсы фасфатнай руды ацэньваюцца ў межах 900 млн тон. Гэта руда мае не вельмi высокую якасць, але спецыялiсты Нацыянальнай акадэмii навук збiраюцца распрацаваць тэхналогiю яе абагачэння да неабходнай кандыцыi.