У Беларусі адменена неабходнасць рэгiстрацыi цэнаў на новыя тавары i паслугi, за выключэннем медпас

Источник материала:

Як растлумачылi ў прэс-службе, гэта рашэнне дасць магчымасць знiзiць дакументаабарот, больш аператыўна ўкараняць новыя вiды прадукцыi. У цэлым, дакумент накiраваны на ўдасканаленне дзеючай сiстэмы цэнаўтварэння, скарачэнне сферы цэнавага рэгулявання, спрашчэнне адмiнiстрацыйных працэдур у галiне цэнаўтварэння.

На iндывiдуальных прадпрымальнiкаў (за выключэннем тых, якiя аказваюць платныя медыцынскiя паслугi) не будзе распаўсюджвацца патрабаванне аб неабходнасцi захавання гранiчных iндэксаў змянення адпускных цэнаў (тарыфаў) i iх рэгiстрацыi. Указам адменены абавязак юрыдычных асобаў, iндывiдуальных прадпрымальнiкаў складаць эканамiчныя разлiкi абгрунтавання цэнаў пры аказаннi платных медыцынскiх паслуг, калi змяненне адпускных цэнаў (тарыфаў) на вырабленыя тавары (работы, паслугi) ажыццяўляецца ў памеры, якi не перасягае гранiчных iндэксаў змянення адпускных цэнаў (тарыфаў), устаноўленых Саветам Мiнiстраў, а таксама пры рэалiзацыi вырабленай iмi сельскагаспадарчай прадукцыi. З пералiку тавараў (работ, паслуг), цэны (тарыфы) на якiя рэгулююцца Саветам Мiнiстраў, рэспублiканскiмi органамi дзяржаўнага кiравання i iншымi дзяржаўнымi арганiзацыямi, падпарадкаванымi ўраду, Нацыянальным банкам, выключаецца шэраг тавараў i паслуг, якiя не з’яўляюцца сацыяльна важнымi. Акрамя таго, правы на прыняцце рашэнняў па рэгуляваннi асобных цэнаў (тарыфаў) перадаюцца органам дзяржаўнага кiравання, у кампетэнцыi якiх знаходзiцца асноўнае кола пытанняў, звязаных з вытворчасцю тавараў (аказаннем паслуг). Гэта дасць магчымасць праводзiць больш гiбкую цэнавую палiтыку пры ўстанаўленнi цэнаў i тарыфаў. Указ уступае ў сiлу з дня яго афiцыйнага апублiкавання.