ІДЭАЛ цяпер свой

Источник материала:

Вядомае ў краiне прадпрыемства па вытворчасцi шакаладу, рэзiдэнт свабоднай эканамiчнай зоны "Брэст"? увайшло ў склад дзяржаўнага канцэрна "Белдзяржхарчпрам". Беларуска-польская "Першая шакаладная кампанiя" створана ў 1997 годзе. За дзесяцiгоддзе яна стала адным з галоўных вытворцаў кандытарскай прадукцыi. Шакалад "Iдэал", цукеркi, вафельныя тарты, бiсквiты набылi вядомасць як у нашай краiне, так i ў блiзкiм замежжы. Прадукцыя iдзе на экспарт у Расiю. А вось прадаваць салодкi тавар на радзiме рэзiдэнту СЭЗ "Брэст" станавiлася ўсё цяжэй, бо летась, напрыклад, яго тавары былi выключаны з пералiку iмпартазамяшчальных. Але ж, як сцвярджаюць на прадпрыемстве, больш за два дзесяткi вiдаў iх прадукцыi з’яўляюцца эксклюзiўнымi, такiх болей нiхто не робiць у краiне. А ў складзе канцэрна, разважылi на прадпрыемстве, можна будзе вырашаць пытаннi па пераадоленнi абмежаванняў, ды i наогул перажыць эканамiчныя цяжкасцi лягчэй пад крылом дзяржаўнай структуры.

Але выходзiць са свабоднай эканамiчнай зоны шакаладная фабрыка таксама не збiраецца. Яна мае намер падтрымлiваць вызначанымi ўзносамi канцэрн i карыстацца льготамi рэзiдэнта свабоднай зоны. Ласкаваму цяляцi, як кажа народная мудрасць, дзве маткi патураюць. Асаблiва гэта важна, як вiдаць, у эпоху крызiсаў.