...

nУ палiклiнiках Партызанскага раёна Мiнска ў сакавiку пройдзе акцыя Днi печанi, рысвечаная прафiлактыцы i ранняму выяўленню захворванняў гэтага важнага органа нашага арганiзма. З такой iнiцыятывай выступiлi Камiтэт аховы здароўя Мiнгарвыканкама i адмiнiстрацыя цэнтральнай раённай палiклiнiкi № 14 г. Мiнска.

Фiлiя РУТП "Беларускае рачное параходства" — рачны порт Брэст — адчынiў навiгацыю на рацэ Мухавец. З кар’ера, што размешчаны за 18 км ад абласнога цэнтра, возяць пясок, якi выкарыстоўваецца на будоўлях горада.

У Пружанскiм раёне ў доме выбухнуў газавы балон. У двух чалавек моцныя апёкi, у аднаго з iх адарвала пальцы. Адбылося гэта ў вынiку таго, што гаспадар дачы i яго знаёмы вырашылi самастойна адрамантаваць газавую плiту, але парушылi тэхнiку бяспекi, ад чаго i прагрымеў выбух. Абодва былi дастаўленыя ў бальнiцу. Дом ад выбуху поўнасцю згарэў.

Столь на плошчы каля 20 кв.м абвалiлася ва ўнiверсаме ў пасёлку Халопенiчы (Крупскi раён). Крама пабудавана ў 1958 г. i належыць Крупскаму райпа, паведамляе БЕЛТА. Абвалiлася частка драўлянага перакрыцця i падвясны сайдынг. Папярэдняя прычына — страта апорных магчымасцяў перакрыццяў. Нiхто не пацярпеў.

Як падлiчылi спецыялiсты наркалагiчнай службы, Мiнск уваходзiць у тройку лiдараў сярод еўрапейскiх сталiц па колькасцi спiртных напояў на душу насельнiцтва — амаль 12 лiтраў абсалютнага алкаголю на чалавека ў год. У такой жа колькасцi п’юць толькi ў Маскве i Вiльнюсе — па 56 бутэлек гарэлкi ў год на чалавека.

У Мiнску ўчора 64 чалавекi эвакуяваныя з-за пажару ў падвале шматкватэрнага жылога дома па Лагойскiм тракце. Пацярпелых няма. Прычыны надзвычайнага здарэння высвятляюцца. Не выключана, што дачыненне да яго маюць бамжы, якiя вырашылi пагрэцца ў падвале i неасцярожна абышлiся з агнём.