Пацалуй i пахудзееш!

Источник материала:

Мужчыны, якiя цалуюць сваiх жонак перад адыходам на працу, жывуць на 5 гадоў больш

Вучоныя прыйшлi да высновы, што пацалункi вельмi важныя ў жыццi чалавека.

Пацалунак таксама, як высветлiлася, павялiчвае частату скарачэння сардэчнай мышцы у мужчын да 100, а ў жанчын да 108 у хвiлiну. Замест 20 звычайных удыхаў у хвiлiну тыя, што цалуюцца, робяць 60. Гэта паляпшае крываток, а значыць, змяншае рызыку сардэчна-сасудзiстых захворванняў.

Чаму ж людзi цалуюцца? У арганiзме выпрацоўваецца рэчыва, якое па сваiм наркатычным уздзеяннi ў 200 разоў перавышае морфiй, — тых, хто цалуецца, напаўняе пачуццё радасцi, захаплення i шчасця. Пацалунак прыводзiць у рух 39 мышцаў твару: такая трэнiроўка з’яўляецца цудоўнай прафiлактыкай маршчын. Калi людзi цалуюцца, то яны перадаюць адзiн аднаму комплекс рэчываў — тлушчы, солi, бялкi, — а гэта павышае iмунiтэт.

Страсныя пацалункi асаблiва карысныя — яны стымулююць работу падстраўнiкавай залозы i наднырачнiкаў. Французскi пацалунак, у якiм удзельнiчае язык, рэкамендуюць нават... для пахудзення. Справа ў тым, што пры такiм пацалунку згарае 4 кiлакалорыi i актывiзуецца больш як 400 мышцаў. Іх узмоцненае кровазабеспячэнне паляпшае колер твару, умацоўвае зубы, пазбаўляе ад маршчын. Рамантычны пацалунак спальвае каля двух-трох калорый, французскi — ад пяцi i больш.

Вучоныя прыйшлi да высновы, што мужчыны, якiя цалуюць сваiх жонак перад тым, як пайсцi на працу, жывуць на пяць гадоў больш. А жанчыны, "якiя купаюцца" ў пацалунках, нараджаюць лягчэй, чым "недацалаваныя". Страсны пацалунак працягласцю 90 секундаў павышае цiск, пульс i ўзровень гармонаў у крывi.

У 50-х гадах англiйскiмi вучонымi было вызначана, што падчас пацалунку ад аднаго партнёра да другога перадаецца 278 розных культур бактэрый. Аднак гэта не падстава для пажыццёвай адмовы ад пацалункаў, бо каля 90 % з гэтых бактэрый не небяспечныя. Але ўсё ж варта памятаць i пра астатнiя 10 % (напрыклад, герпес, гепатыт).

Статыстыка сцвярджае, што, як правiла, еўрапеец за дзень цалуецца каля 7 разоў, маладыя людзi — прыкладна 12, а людзi, якiм больш за 50, — у сярэднiм 2 разы. 12 % апытаных не маглi ўспомнiць, калi цалавалiся апошнi раз.

У пацалункаў ёсць яшчэ адна неаспрэчная перавага — яны з’яўляюцца добрым сродкам ад хранiчных захворванняў. Так што цалавацца — вельмi карысна, i грэх з гэтым не лiчыцца.