...

Источник материала:

 Сёння — Усяленская бацькоўская субота, дзень памiнання ўсiх памерлых. А ў нядзелю ў праваслаўных пачынаецца Мясапусны тыдзень i ўступае забарона на ўжыванне мяса перад Вялiкiм пастом, якi чакае нас 2 сакавiка, пасля Масленкi.

 Паломка тралейбуса стала прычынай траўмавання двух чалавек у Мiнску. У тралейбуса маршруту №35 падчас руху ў раёне вулiцы К. Чорнага разарвалася задняе кола. У вынiку рэзкага тармажэння пацярпелi мужчына i жанчына. З рознымi траўмамi яны дастаўленыя ў бальнiцу. Праводзiцца праверка.

 Шырокi асартымент жывой сажалкавай рыбы, а таксама прадукцыю яе перапрацоўкi выставяць рыбгасы на кiрмашы-продажы "Рыба Беларусi" 21, 28 лютага i 7 сакавiка ў Мiнску. У кiрмашы возьмуць удзел 16 рыбгасаў рэспублiкi. У асартыментным пералiку — карп, таўсталобiк, радужная фарэль, белы амур, асятровыя. Будуць прапанаваны прадукты перапрацоўкi. Кiрмаш будзе працаваць з 9.00 да 18.00 на пляцоўцы каля Палаца спорту на праспекце Пераможцаў.

 У вынiку ДТЗ на тэрыторыi Польшчы з удзелам беларускага грузавiка i беларускага легкавога аўтамабiля загiнуў грамадзянiн Беларусi, некалькi нашых суграмадзян атрымалi раненнi, паведамляе БЕЛТА. ДТЗ адбылося каля горада Нова Суль у складаных умовах надвор’я. Аўтамабiлi сутыкнулiся падчас абгону.

 Успышка шаленства выяўленая ў Зэльвенскiм раёне. На працягу некалькiх дзён у раёне загiнулi 2 лiсiцы i 3 хатнiя сабакi. Акрамя таго, на ферме ў вёсцы Лебедзi ў вынiку заражэння шаленства здохла карова. Мяркуецца, што апошняя заразiлася шаленствам праз укус хворай крысы.