Ільготныя крэдыты пад долевае будаўнiцтва мiнчане могуць атрымаць i без чаргi

Источник материала:

Такiм чынам, iльготны крэдыт пад 5 працэнтаў гадавых на 20 гадоў могуць атрымаць жыхары сталiцы нават у тым выпадку, калi яны толькi ўчора сталi на ўлiк асобаў з патрэбай у паляпшэннi жыллёвых умоў. Другой галоўнай умовай атрымання льготных крэдытаў з’яўляецца памер даходу сям’i, якi павiнен не перавышаць тры мiнiмальныя спажывецкiя бюджэты (каля 1,1 мiльёна рублёў) на члена сям’i ў месяц.

Адпаведнае рашэнне Мiнгарвыканкама № 101 "Аб уключэннi грамадзян у спiсы для выдачы льготных крэдытаў на будаўнiцтва (рэканструкцыю) жылых памяшканняў" пачало дзейнiчаць у сталiцы з 7 лютага. Iльготныя крэдыты на 20 гадоў змогуць атрымаць жыхары сталiцы, якiя стаяць на ўлiку асобаў з патрэбай у паляпшэннi жыллёвых умоў i падпiсваюць дагавор аб уступленнi ў долевае будаўнiцтва, а таксама пры ўступленнi ў ведамасныя жыллёва-будаўнiчыя кааператывы.

Вядома, што кошт долевага будаўнiцтва адрознiваецца ад расцэнак на кватэры, што прапаноўваюцца гарвыканкамам жыхарам Мiнска па чарзе. Цяпер квадратны метр жылля па долевым будаўнiцтве прапаноўваецца па 1300 — 1500 долараў. Пад iльготнае крэдытаванне будзе падпадаць не фактычны кошт долевага жылля, а ў пералiку на кошт квадратнага метра тыповых спажывецкiх якасцяў. У Мiнску кошт такога стандартнага "квадрата" сёння каштуе прыкладна 1,5—1,6 млн рублёў. Вiдавочна, што для ажыццяўлення долевага будаўнiцтва жыхару сталiцы неабходна будзе не толькi карыстацца льготным крэдытам, але i мець сур’ёзныя ўласныя фiнансавыя накапленнi.

Аляксандр Горваль лiчыць, што гэтае рашэнне гарадскiх уладаў паспрыяе ажыццявiць рынак долевага будаўнiцтва ў сталiцы менавiта ў часы фiнансавага крызiсу.